DITA E FUNDIT E ARMËPUSHIMIT MIDIS HAMASIT DHE IZRAELIT | DISKUTOHET PËR FATIN E PENGJEVE.

Tel Aviv, Izrael | Është dita e katërt e armëpushimit në Lindjen e Mesme, e fundit, e rënë dakord, mes Izraelit dhe Hamasit.

Diplomacia po punon për të zgjatur pauzën humanitare në luftime, dhe ndërkohë Hamasi i ka dërguar Tel Avivit listën e pengjeve që do të lirohen sot.

Por sipas zyrtarëve izraelitë, negociata intensive janë duke u zhvilluar për të ndryshuar listën e 11 personave që duhet të lirohen.

Të dielën, 17 pengje u liruan, 13 izraelitë dhe katër të huaj, përfshirë një rus, pas ndërmjetësimit të drejtpërdrejtë nga Moska.

Në këmbim, Izraeli liroi 39 të burgosur palestinezë nga burgjet e tij, të gjithë të mitur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit