___.png)
BRITANI E MADHE: EMILIANO KROSI; GERRARD KALAJA; HENRI OSMANI DHE ALFRED ISUFI AKUZOHEN SI GRABITËS TË 33 BANESAVE.
- Agjencia Telegrafike Vox
- Jun 29, 2024
- 2 min read
Londër, Britani e Madhe | Një grup grabitësish shqiptarë (mes tyre babë e bir), udhëtuan nga Laçi për tu futur ilegalisht në Angli dhe sipas autoriteteve britanike të hetimit penal ata kryen 33 grabitje në banesa në harkun kohor të 4 muajve.
Viktimë e grabitjes ishte topakëmbasi i kombëtares angleze, dhe i skuadrës së Çelsit (Chelsea) Rehim Stiërlling (Raheem Sterling) nga banesaa e të cilit morën 10 ora të shtrenjta Roleks (Rolex) me vlerë finaciare 300000 stërlina.
I vetmi i arrestuar nga grupi i shqiptarë të dyshuar si grabitës është Emiliano Krosi, me moshë 24 vjeç, i cili ka dalë përpara një gjykate nga ku ka pranuar vetëm 15 nga 33 grabitje për të cilat akuzohet.
Të akuzuarit e tjerë që të gjithë kushërinjtë të z. Emiliano Krosi u arratisën nga Britania e Madhe me qëllim që t’u shpëtonin dënimeve penale.
Sipas akteve proceduriale penale të prokurorisë britanike grabitjen e parë ata e realizuan në 12 nëntor të vitit 2022 dhe të fundit më 15 mars të vitit 2023.
Pjesë e grupit të dyshuar kriminal ishin:
1- Z. Gerrard Kalaja.
2- Z. Henri Osmani.
3- Z. Alfred Isufi.
Në njërën prej banesave të grabitura autoritetet britanike të hetimit penal gjetën dhe sekuestruan në cilësinë e provës materiale me karakter kompromentues penal ADN-në e;
1- Z. Gerrard Kalaja.
2- Z. Alfred Isufi.
3- Të babait të tij.
Z. Emiliano Krosi bashkë me të tjerët u arrestuan në zonën e Kentit, më 27 janar të vitit 2023 me akuzat për grabitje.
Masa e sigurimit që u shqiptua ndaj tyre ishte ajo e detyrimit të paraqitjes.
Në një banesë ku ata jetonin në lagjen Herou (Harrow) të Londrës autoritetet britanike gjetën dhe sekuestruan në cilësinë e provës materiale me karakter kompromentues penal 6000 £ të thata (kesh), bizhuterira, dhe një kuti me vegla për hapje dyersh e dritaresh.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments