___.png)
BRAZIL: SHKATËRRIMI I MJEDISIT SOLLI PASOJA KATASTROFIKE.
- Agjencia Telegrafike Vox
- May 13, 2024
- 2 min read
Porto Alegre, Brazil | “Guvernatori i Rio Grande do Sul, Eduardo Leite, u paralajmërua në më shumë se një rast për mundësinë e një fatkeqësie mjedisore të paprecedentë në atë rajon të Brazilit jugor, por nuk arriti të marrë masa”, denoncoi deputeti lokal Adao Pretto Filho, i Partisë së Punëtorëve (PT).
Sipas mendimit të tij, përmbytjet e rënda që prekën Rio Grande do Sul mund të ishin shmangur ose të kishin një ndikim më të vogël nëse qeveria vendore nuk do të kishte injoruar një raport të përgatitur nga Komisioni i Përfaqësimit të Jashtëm të Asamblesë Legjislative të Rio Grande do Sul.
I finalizuar në gusht 2023, ky dokument prezantoi propozime të ndryshme për të luftuar efektet e ndryshimeve klimatike në disa bashki të shtetit.
“Në këtë raport ne treguam disa nisma që duhet të ndërmerren nga qeveria e shtetit. Njëra prej tyre ishte rritja e investimeve në fushën e parandalimit dhe mbrojtjes civile. Ne kërkuam gjithashtu legjislacion më të rreptë për ruajtjen e mjedisit”, tha z. Pretto Filho, koordinator i studimit.
Deri më sot, të paktën 100 njerëz kanë vdekur në përmbytjet më të këqija në historinë e rajonit dhe 128 janë ende të zhdukur.
Përveç kësaj, rreth 370 njerëz janë plagosur dhe 1.5 milionë janë prekur.
Përmbytja e paprecedentë është rezultat i reshjeve të dendura dhe të përqendruara të javës së kaluar, të cilat, në vetëm katër ditë ranë sasinë e pritur për të gjithë sezonin.
Vlen të theksohet se në më pak se një vit, ky shtet jugor brazilian ka pësuar tashmë katër fatkeqësi moti.
Vetëm në vitin 2023, stuhitë në qershor, shtator dhe nëntor lanë 80 të vdekur. Kjo pamje nga ajri ilustron Porto Alegre-n të përmbytur.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
