BANORËT E LUGINËS SË LUMIT TË VLORËS PROTESTUAN KUNDËR PROJEKTIT QË SYNON MARRJEN E UJIT TË LUMIT SHUSHICË ME QËLLIM FURNIZIMIN E HIMARËS | SIPAS TYRE LUMI SHUSHICË RREZIKON SHTERIMIN.

Vlorë, Shqipëri | Banorët e luginës së lumit të Vlorës protestuan sërish kundër ndërtimit të ujësjellësit të Himarës, që rrezikon të thajë lumin Shushicë.

Ata ndaluan përkohësisht punimet dhe ngritën një çadër për të mbajtur në vëzhgim situatën.

Veprimtarët mjedisorë të ardhur në mbështetje të banorëve deklaruan se ndërtimi në një Park Kombëtar është i paligjshëm dhe kërcënon ekosistemin.

Të shtunën një protestë e ngjashme u mbajt edhe në fshatin Tragjas, ku banorët kundërshtuan një ujësjellës që synon të marrë ujë nga lumi Izvor për zonat turistike në Jalë, Palasë dhe Dhërmi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit