AUSTRI | AGJENCIA NDËRKOMBËTARE E ENERGJISË ATOMIKE: SHPREHIM SHQETËSIM PËR DRONIN NË CENTRALIN BËRTHAMOR TË ZAPORIZHIAS.

Vjenë, Austri | “Agjencia Ndërkombëtare e Energjisë Atomike (IAEA) është informuar nga Centrali Bërthamor i Zaporizhias se një dron goditi një ndërtesë turbine në vend, sot, duke shkaktuar me sa duket një vrimë në murin e saj.

Drejtori i Përgjithshëm Rafael Grossi shprehu shqetësim serioz në lidhje me incidentin e raportuar, i cili do të rrezikonte si shtatë shtyllat thelbësore për të siguruar sigurinë bërthamore gjatë konfliktit, ashtu edhe pesë parimet konkrete për mbrojtjen e centralit, të cilat përcaktojnë qartë se nuk duhet të ketë sulme të asnjë lloji mbi ose kundër objektit”.

Kështu tha Agjencia Ndërkombëtare e Energjisë Atomike në llogarinë e saj në rrjetin social virtual Iks (X).

“Sulmi ndaj centraleve bërthamore është si të luash me zjarrin”, tha Drejtori Grossi.

Ekipi i IAEA-së në centralin e Zaporizhias ka kërkuar akses për të inspektuar personalisht ndërtesën e turbinës së prekur.

Ky do të ishte sulmi i parë me dron brenda perimetrit të centralit që nga prilli i vitit 2024.

IAEA do ta përditësojë këtë informacion ndërsa ekipi i saj raporton detaje të mëtejshme pasi të marrë aksesin e kërkuar në vendin e aksidentit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit