AGJENCIA NDËRKOMBËTARE E ENERGJISË ATOMIKE E OKB-së: ÇERNOBILI SHËNOI PIKË KTHESE PËR SIGURINË BËRTHAMORE.

Vjenë, Austri | “Aksidenti i Çernobilit shënoi një pikë kthese për sigurinë bërthamore.

Ai çoi në marrëveshje ligjërisht të detyrueshme, transparencë më të madhe dhe bashkëpunim global”.

Kështu shkroi Agjencia Ndërkombëtare e Energjisë Atomike e OKB-së (IAEA) në rrjetin social virtual Iks (X).

Sot, Ukraina përkujton 40-vjetorin e shpërthimit në centralin bërthamor, katastrofa më e keqe bërthamore civile në histori.

Ky përvjetor vjen katër vjet pas pushtimit rus, i cili, kërcënoi përsëri centralin dhe rriti rrezikun e një katastrofe tjetër radioaktive.

Shpërthimi, në orën 1:23 të mëngjesit më 26 prill 1986, u shkaktua nga një gabim njerëzor gjatë një prove sigurie që shkaktoi një shpërthim në reaktorin numër katër të centralit, tani në Ukrainën veriore, por atëherë pjesë e Bashkimit Sovjetik.

Në ditët në vijim, një re radioaktive ndoti rëndë Ukrainën, Bjellorusinë dhe Rusinë, dhe më pas u përhap në të gjithë Evropën.

Një raport i OKB-së i vitit 2005 vlerësoi numrin e vdekjeve, përfshirë ato të konfirmuara dhe të pritura, në 4000 në tre vendet më të prekura: Ukrainë, Bjellorusi dhe Rusi.

Në vitin 2006, organziata “Greenpeace” vlerësoi se katastrofa kishte shkaktuar gjithsej 100 mijë viktima.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit