AUSTRI | U NDALUA ME LIGJ MBAJTJA E SHAMISË ISLAMIKE PËR NXËNËSET NËN 14 VJEÇ NË SHKOLLA; GJOBA PËR PRINDËRIT SHKON 800 €.

Vjenë, Austri | “Në Austri ka hyrë në fuqi një ligj që ndalon mbajtjen e shamisë në shkolla për vajzat nën moshën 14 vjeç”.

Kështu njoftoi enti mediatik britanik “Bbc”.

Me fillimin e vitit të ri shkollor, mësuesit janë të detyruar të zbatojnë ndalimin e ri nëse shohin një vajzë që mban shami, përmes një sërë intervistash me nxënësen dhe kujdestarët e saj ligjorë.

Në rast të shkeljeve të përsëritura, shërbimet e mirëqenies së fëmijëve duhet të njoftohen dhe, si mjet i fundit, kujdestarët mund të përballen me gjoba deri në 800 euro.

Ministrja e Integrimit Klaudia (Claudia) Bauer e Partisë Popullore Austriake (ÖVP) tha se shamia është një shenjë shtypjeje dhe një mjet për të kontrolluar vajzat që në moshë shumë të re.

Ligji u prezantua nga koalicioni qeverisës i udhëhequr nga konservatorët i tre partive të qendrës; ÖVP, Social Demokratët (SPO) dhe partia liberale NEOS.

Sipas përfaqësuesve të koalicionit, ligji përfaqëson një angazhim të qartë për barazinë gjinore dhe synon të mbrojë të drejtat e vajzave të reja.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit