AUSTRALIA ANGAZHOHET KUNDËR PËRMBAJTJEVE ABUZUESE SEKSUALE ME TË MITUR TË KRIJUARA NGA “AI”.

Melburn, Australi | Komisioneri Australian për eSafety Julie Inman Grant, njoftoi të premten, se zyra e saj do të mandatojë motorët e kërkimit, për të hequr materialet e abuzimit seksual të fëmijëve, të krijuar nga Inteligjenca Artificiale (AI), nga rezultatet e kërkimit.

Njoftimi është në përgjigje të kërcënimit dhe rrezikut në rritje për privatësinë dhe të drejtat e fëmijëve, të lehtësuar nga Inteligjenca Artificiale (AI), dhe deepfakes.

Kodet dhe standardet e sigurisë në internet, do të fokusohen në mbrojtjen kundër rreziqeve të reja, që vijnë nga integrimi i Inteligjencës Artificiale (AI) gjeneruese, dhe do të mbulojnë seksione të shumta të industrisë online.

Kodet dhe standardet e reja do t'u kërkojnë pjesëmarrësve të industrisë, të marrin masat e duhura, për të trajtuar rrezikun e materialit të klasës 1, duke përfshirë materialin e abuzimit seksual të fëmijëve, në shërbimet e tyre në Australi.

Një kërkesë tjetër e rëndësishme, është që funksionaliteti i Inteligjencës Artificiale (AI), i integruar me motorët e kërkimit, të mos përdoret për të gjeneruar versione “sintetike” të këtij materiali.

Znj. Inman Grant komentoi mbi përdorimin në rritje të Inteligjencës Artificiale (AI) gjeneruese, duke thënë: “Kur lojtarët më të mëdhenj në industri njoftuan se do të integronin Inteligjencën Artificiale (AI) gjeneruese në funksionet e tyre të kërkimit, ne patëm një draft kod, që nuk ishte më i përshtatshëm për qëllimin, dhe nuk mund të ofronte mbrojtjen e komunitetit, që kërkonim dhe prisnim.”

Kodi i sigurisë në internet do të hartohet në përputhje me Aktin e Sigurisë në internet 2021 (Cth).

Akti është burimi kryesor i ligjit në Australi, që rregullon përmbajtjen e paligjshme, dhe të kufizuar në internet, dhe i jep Komisionerit të eSafety, fuqi të reja thelbësore, për të mbrojtur australianët nga dëmtimi.

Kodet e regjistruara të industrisë, zbatohen aktualisht për pesë sektorë të industrisë në internet, përkatësisht, shërbimet e mediave sociale, shërbimet e transportit në internet, shërbimet e shpërndarjes së aplikacioneve, shërbimet e pritjes, dhe ofruesit e pajisjeve.

Standardet e reja të industrisë do të fokusohen në dy sektorë të mëtejshëm të industrisë, përkatësisht, Shërbimin e Përcaktuar të Internetit dhe Shërbimet Elektronike Përkatëse.

Nga z. Erton Duka.

© Copyright | Agjencia Telegrafike Vox