9 NËNTORI I VITIT 1989 QË NDRYSHOI HARTËN E BOTËS | RËNIA E MURIT TË BERLINIT; SIMBOLI I LUFTËS SË FTOHTË RA; SHKAKTOI NDRYSHIME QË ÇUAN NË SHPËRBËRJEN E ISH-BASHKIMIT SOVJETIK.

Berlin, Republika Federale e Gjermanisë | Kjo foto nga arkivi e 10 nëntorit 1989 tregon berlinezët duke kënduar dhe kërcyer mbi Murin e Berlinit për të festuar hapjen e kufirit midis Gjermanisë Lindore dhe asaj Perëndimore.

Mijëra qytetarë të Gjermanisë Lindore u zhvendosën në Perëndim pasi autoritetet e Gjermanisë Lindore mbyllën të gjitha pikat kufitare me Perëndimin.

Rënia e Murit të Berlinit, më 9 nëntor 1989, shënoi fundin e Luftës së Ftohtë Lindje-Perëndim.

Simboli i ndarjes së një vendi qëndroi për 28 vjet, duke e ndarë Gjermaninë në dysh.

I ndërtuar në vitin 1961, Muri i Berlinit u ndërtua për të ndarë gjermano-lindorët nga kontaminimi i supozuar ideologjik i Perëndimit dhe për të ndaluar valën e braktisjes së Gjermanisë Lindore.

Shtrihej për 156.4 kilometra, duke prerë zemrën e Berlinit. Megjithatë, pasi u hap kufiri, u desh më pak se një vit deri në ribashkimin e vendit më 3 tetor 1990.

Sot, vetëm disa pjesë të murit kanë mbetur, kryesisht si një atraksion turistik.

Në shtator të vitit 1989, filluan demonstratat javore në Kishën e Shën Nikollës në Leipzig, qyteti i dytë më i madh në Republikën Demokratike Gjermane të atëhershme.

Këto “Demonstrata të së Hënës” morën vrull dhe përfundimisht u zhvendosën në Berlin.

Kjo kulmoi më 4 nëntor me një protestë masive prej mbi një milion njerëzish në sheshin publik të Alexanderplatz-it, duke e detyruar qeverinë të reagonte.

Më 6 nëntor, në një konferencë për shtyp nga zëdhënësi jozyrtar i Partisë Socialiste të Unitetit të Gjermanisë (partia në pushtet në Gjermaninë Lindore), Günter Shabovski (Schabowski), për shkak të një konfuzioni gjuhësor, mbizotëronte pikëpamja se kufijtë do të hapeshin plotësisht.

Ndërsa lajmi përhapej, njerëzit filluan të mblidheshin te muri, duke kërkuar që të lejoheshin të kalonin.

I tronditur nga numri i njerëzve, Harald Jäger, komandant i një prej pikave kryesore kufitare, hapi pikën e kontrollit më 9 nëntor.

Me këtë, njerëzit filluan të lëviznin lirshëm, duke shënuar fundin efektiv të Murit të Berlinit.

Rënia e Murit të Berlinit përshpejtoi shpërbërjen e qeverive komuniste në të gjithë Evropën Lindore.

Revolucioni i Kadifenjtë në Çekosllovaki rezultoi në një tranzicion paqësor drejt demokracisë liberale dhe ndarjen pasuese të vendit në Republikat Çeke dhe Sllovake.

Bullgaria gjithashtu kaloi në demokraci në vitin 1990.

Së fundmi, Revolucioni Rumun i vitit 1989 ishte më i dhunshëm, me diktatorin Nikolae Çaushesku që u ekzekutua nga skuadra e pushkatimit ditën e Krishtlindjeve.

Kjo foto e majit 1987 tregon diktatorin Nikolae Çaushesku duke pritur homologun e tij rus në aeroportin e Bukureshtit.

Diktatori Çaushesku, i cili, ushtroi pushtet të hekurt mbi popullin e tij përmes policisë sekrete, Sekuritate, u rrëzua në vitin 1989 me rënien e komunizmit në Evropën Lindore.

Sa i përket vetë Bashkimit Sovjetik, shumë nga republikat e tij përbërëse, përfshirë Estoninë, Letoninë dhe Lituaninë, u shpallën shtetësi në vitin 1990.

Megjithatë, vdekja e vërtetë ndodhi kur kritiku i ashpër rus i BRSS-së, Boris Jelcin, u zgjodh President i Republikës Federative Socialiste Sovjetike Ruse në qershor 1991.

Fundi i mbështetjes ruse për BRSS-në nënkuptonte fundin efektiv të vetë BRSS-së, dhe parlamenti sovjetik votoi Bashkimin Sovjetik si joekzistent më 26 dhjetor 1991.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit