80 RABINË APELOJNË QË SHTETI I IZRAELIT TË ADRESOJË URINË E PËRHAPUR NË GAZË DHE TË DENONCOJË DHUNËN EKSTREMISTE TË KOLONËVE.

Vatikan | Letra e apelit nga 80 rabinë modernë ortodoksë ndërkombëtarë, e titulluar: “Një thirrje për qartësi morale, përgjegjësi dhe një përgjigje hebraike ortodokse ndaj krizës humanitare në Gaza”, e nënshkruar ndër të tjera nga Rabini David Rosen, për më shumë se 30 vjet drejtor ndërkombëtar i çështjeve fetare të Komitetit Amerikan Hebraik, ish-Kryerabin i Irlandës dhe me marrëdhënie të forta dialogu me Vatikanin, po merr gjithnjë e më shumë mbështetje orë pas ore.

Rabini Rosen i dërgoi gjithashtu një kopje të letrës Vatikanit, zyrës përgjegjëse për dialogun me Judaizmin.

Deklarata, thuhet në një shënim në faqen e internetit të Rabinit Rosen, i kërkon Shtetit të Izraelit të adresojë urinë e përhapur në Gaza dhe të denoncojë dhunën ekstremiste të kolonëve.

Iniciativa u udhëhoq nga Rabi Josef (Rabbi Yosef) Blau, ish-president i Sionistëve Fetarë të Amerikës dhe këshilltar shpirtëror prej shumë kohësh (mashgiach ruchani) në Seminarin Teologjik Rabbi Isaac Elchanan (Riets) të Universitetit Yeshiva.

Duke shpjeguar motivimin e tij, Rabbi Blau deklaroi se:

1- “Mbështetja ime për Izraelin dhe Sionizmin rrjedh nga angazhimi im ndaj Judaizmit”.

Besnikëria jokritike bie ndesh me vetëanalizën themelore të judaizmit. Kur feja përdoret për të justifikuar adhurimin e pushtetit, ajo shtrembëron moralin bazë.

Megjithatë, nënshkruesit theksojnë lidhjen e tyre të thellë me Izraelin, duke i përshkruar hebrenjtë ortodoksë si ndër mbështetësit më të përkushtuar të Izraelit.

“Mëkatet dhe krimet e Hamasit, thuhet në një fragment tjetër në letër, e cila, u shfaq edhe në Agjencinë Telegrafike Hebraike, nuk e lirojnë qeverinë e Izraelit nga detyrimi i saj për të bërë çdo përpjekje për të parandaluar urinë masive”, shkruajnë rabinët.

Nënshkrues të tjerë përfshijnë Rabinin Pinchas Giller, rabinët kryesorë të Polonisë, Danimarkës dhe Norvegjisë, së bashku me rabinët e lartë të kongregacioneve kryesore ortodokse në Los Anxhelos dhe Uashington.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit