80% E KILIT PA ENERGJI ELEKTRIKE | MEGA NDËRPRERJE.

Santiago, Kili | Mega ndërprerje në Kili.

Shërbimi kombëtar i parandalimit të fatkeqësive (Senapred) ka njoftuar një ndërprerje të papritur të shërbimit të furnizimit me energji elektrike që do të prekte më shumë se 80% të përdoruesve në të gjithë vendin.

Ministrja e Brendshme dhe Sigurisë së Kilit, Karolina (Carolina) Tohá, përjashtoi mundësinë e një sulmi si shkakun e mega ndërprerjes.

“Ishte një problem në rrjet”, tha znj. Tohá.

Shërbimi Kombëtar i Koordinimit të Energjisë Elektrike (Cen) identifikoi problemin në shkëputjen e papritur të një rrjeti shpërndarjeje 500 Kv në zonën Norte Çiko (Chico), në provincën veriore të Atakamës (Atacama) - në veriun e largët të vendit - që pati pasoja në të gjithë rrjetin kombëtar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit