5 QEVERI EVROPIANE DENONCUAN SE DISIDENTI RUS ALEKSEI NAVALNI (ALEXEI NAVALNY) U VRA NGA QEVERIA RUSE ME HELM BRETKOSASH EKUADORIANE (I QUAJTUR EPIBATIDINË).

Mynih, Republika Federale e Gjermanisë | “Udhëheqësi i opozitës ruse Aleksei Navalni (Alexei Navalny), i cili, vdiq në një kamp burgu dy vjet më parë, u vra nga shteti rus me një toksinë të rrallë”.

Kështu thanë qeveritë e Gjermanisë, Francës, Britanisë së Madhe, Suedisë dhe Holandës, në një deklaratë të përbashkët në margjinat e Konferencës së Mynihut.

“Ne e dimë që shteti rus e përdori këtë toksinë vdekjeprurëse për të shënjestruar Navalnin, nga frika e kundërshtimit të tij”.

Kështu tha Ministria e Jashtme Britanike.

Mbretëria e Bashkuar e ka denoncuar Federatën Ruse te organi mbikëqyrës botëror i armëve kimike.

Lajm në përditësim, … 👇👇👇

Konkretisht, bëhet fjalë për një toksinë të rrallë - një neurotoksinë që gjendet te bretkosat helmuese ekuadoriane.

Udhëheqësi politik Navalni vdiq në burg pasi u helmua me një neurotoksinë të gjetur në bretkosat helmuese ekuadoriane dhe të klasifikuar si armë kimike.

Kështu thanë ministrat e pesë vendeve evropiane, të cilët, punuan së bashku për të arritur në këto përfundime.

“Testet laboratorike vërtetojnë se udhëheqësi politik Navalni (Navalny) u helmua në një burg rus”, tha bashkëshortja e tij, Julia Navalnaia (Yulia Navalnaya), gjithashtu e pranishme në Mynih.

“Shkencëtarët britanikë në Porton Down besohet se kanë luajtur një rol kyç në zbulimin e komplotit me bretkosat helmuese”.

Kështu raportoi enti mediatik britanik “Sky News”.

“Akti barbar mund të ishte kryer vetëm nga qeveria e Vladimir Putinit”, u tha nga qeveritë në fjalë, duke njoftuar se do t'ia paraqesin rezultatet e hulumtimit të tyre mbikëqyrësit të armëve kimike të Kombeve të Bashkuara, Organizatës për Ndalimin e Armëve Kimike (OPCW).

Nuk është e qartë se si helmi i bretkosave (i quajtur epibatidinë) iu dha udhëheqësit politik Navalni, i cili, ishte në një koloni penale në Siberi në kohën e vdekjes së tij.

Autoritetet ruse kishin deklaruar në atë kohë se vdekja e disidentit nuk ishte e dyshimtë, por ishte shkaktuar nga sëmundje të kombinuara, duke përfshirë një rrahje të çrregullt të zemrës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit