2024 AFATI FUNDOR PËR LIBERALIZIMIN E LËVIZJES SË LIRË TË QYTETARËVE TË KOSOVËS NË BE.

Rregullat e reja do t'u mundësojnë qytetarëve të Republikës së Kosovës të udhëtojnë në Bashkimin Europain pa kërkuar vizë, për periudha deri në 90 ditë në çdo periudhë 180 ditore. Heqja e vizave do të hyjë në fuqi pasi të jetë vendosur Sistemi Evropian i Informacionit dhe Autorizimit të Udhëtimit (ETIAS), dhe në çdo rast deri në vitin 2024. Ceremonia e nënshkrimit do të mbahet nesër në prani të kryetares së Parlamentit Europian, Roberta Metsola dhe presidencës suedeze të Këshillit të Bashkimit Europian. Shërbimi Europian i Veprimit të Jashtëm i Komisionit Europian ka njoftuar se është ngritur një komision i përbashkët për të monitoruar zbatimin e marrëveshjes për normalizimin e marrëdhënieve ndërmjet Serbisë dhe Kosovës dhe aneksit të saj. Krijimi i komisionit vjen 30 ditë pas takimit të nivelit të lartë të mbajtur në qytetin e Ohrit në kuadër të dialogut Prishtinë-Beograd. Komisioni i përbashkët monitorues do të kryesohet nga Përfaqësuesi Special i BE-së për Dialogun, Miroslav Lajçak. Kosova do të përfaqësohet nga ambasadori i saj në Bruksel Agron Bajrami dhe Serbia nga kryenegociatori Petar Petkoviq. Komisioni do të takohet rregullisht në Bruksel. Mandati pritet të finalizohet dhe miratohet gjatë takimit të parë të komisionit, i cili do të zhvillohet pas takimit të radhës të dialogut të nivelit të lartë të planifikuar për të martën më 2 maj në Bruksel.