ÇFARË ËSHTË DOKTRINA DONRO (DONROE) E PRESIDENTIT DANLLD TRAMP (DONALD TRUMP) E ANALIZUAR NGA NJË KËNDVËSHTRIM I MAJTË?

Uashington, Amerikë | Doktrina Donro (Donroe), e mbështetur nga Presidenti Danlld Tramp (Donald Trump), ka implikime të thella për diktatorin çavisto-komunisto-narko-terrorsit Nikolas (Nicolás) Maduro, Venezuelën dhe të gjithë Amerikën Latine.

Arrestimi i tij, dhe kriza politike në Venezuelë pas një operacioni ushtarak të urdhëruar nga Presidenti Tramp (Trump), shkaktuan rritjen e një termi; Doktrina Donro (Donroe), një riinterpretim bashkëkohor i Doktrinës historike Mornro (Monroe) të vitit 1823, e përdorur tani nga Presidenti Tramp (Trump) për të justifikuar politikën e tij të dominimit ushtarak dhe ekonomik në Hemisferën Perëndimore.

Shprehja ka fituar terren në bisedat dixhitale pas ndërhyrjes ushtarake amerikane në Venezuelë, ku diktatori (Maduro) u kap më 3 janar 2026, në një operacion të rrufeshëm që la shumë të vdekur.

Diktatori Maduro u bë simboli më i fundit i asaj që Presidenti Tramp (Trump) e konsideron një kërcënim për interesat e ShBA-ës në rajon.

I akuzuar për trafik droge dhe posedim të armëve ushtarake, diktatori Maduro u kap nga trupat amerikane në Karakas dhe u transferua në Jorkun e Ri për t'u përballur me akuza penale.

Gjatë një konference për shtyp, Presidenti Tramp (Trump) ishte këmbëngulës: “Të gjitha kapacitetet ushtarake të Venezuelës u neutralizuan kur burrat dhe gratë e Forcave tona të Armatosura… kapën me sukses Maduron në mes të natës”.

Për shumë analistë, kjo ngjarje shënon pikën fillestare të një doktrine të ndërhyrjes së drejtpërdrejtë për të mbrojtur burimet strategjike të Amerikave - veçanërisht naftën.

Doktrina Monro (Monroe) kundrejt asaj Donro (Donroe); cilat janë ndryshimet?

Ndryshe nga paraardhësja e saj, Doktrina Monro (Monroe) - qëllimi i së cilës ishte të parandalonte ndërhyrjen e fuqive të huaja në kontinentin amerikan - Doktrina Donro (Donroe) përparon të drejtën e Shteteve të Bashkuara për të ndërhyrë ushtarakisht në çdo vend në kontinent nëse beson se interesat e tyre janë nën kërcënim.

Gazetari i entit mediatik “New York Times”, Deivid Senxhër (David Sanger), shpjegoi në entin mediatik “CNN” se:

1- “… i Trampit (Trump) në thelb thotë se ne përvetësojmë të drejtën për të ndërhyrë në çdo vend, problemet e brendshme të të cilit përbëjnë një kërcënim për ne në rajon. Dhe ky është një mandat mjaft i gjerë. Prioriteti nuk është demokracia, por kontrolli i aseteve strategjike siç është nafta”.

Ndërsa Doktrina Monro (Monroe) e vitit 1823 kërkonte të parandalonte ndërhyrjet e jashtme, Doktrina Donro (Donroe) propozon dominim absolut të ShBA-ës në Amerikë, madje edhe mbi qeveritë e zgjedhura në mënyrë demokratike nëse ato nuk përputhen me interesat e Uashingtonit.

Çfarë lidhje ka nafta e Venezuelës me Doktrinën Donro (Donroe)?

Sipas Presidentit Tramp (Trump), nafta venezueliane është një justifikim kyç për operacionin.

“Ne duhet ta qeverisim vendin në një mënyrë që të mund të përfitojmë nga burimet e tij ekonomike, të cilat janë nafta e vlefshme dhe gjëra të tjera të vlefshme”, tha ai.

Venezuela mban 303 miliardë fuçi rezerva të provuara, më shumë se çdo vend tjetër në botë.

Ky lloj nafte e rëndë bruto është veçanërisht e dobishëm për rafineritë amerikane, të cilat, janë të projektuara për ta përpunuar atë.

Presidenti Tramp (Trump) ka qenë i qartë se përparësia nuk është demokracia - është burimi natyror për të cilin Venezuela ka rezervat më të mëdha në botë.

Çfarë ndikimi ka Doktrina Donro (Donroe) në Amerikën Latine?

Doktrina e re ka ngritur alarm në të gjithë kontinentin. Historiani Elln MekFersoun (Alan McPherson), një ekspert për marrëdhëniet ndëramerikane, i tha entit mediatik “BBC” se:

1- “Kjo do të jetë shumë e papëlqyeshme në Amerikën Latine… Parimi i sovranitetit kombëtar është më i rëndësishmi në marrëdhëniet ndërkombëtare të rajonit dhe kjo bie ndesh me të”.

Qeveritë me prirje të majta, si Brazili dhe Kili, kanë shprehur refuzimin e tyre.

Edhe Kolumbia, një aleat historik i Uashingtonit, shprehu shqetësim për ekspozimin gjeografik.

Vetëm Argjentina, nën udhëheqjen e Javier Milei, e festoi ndërhyrjen.

Çfarë roli luan Kina përballë Doktrinës Donro (Donroe)?

Ndërhyrja në Venezuelë që përfundoi me kapjen e diktatorit çavisto-komunisto-narko-terrorist Maduro-s dhe bashkëshortes së tij ndodhi vetëm një ditë pasi një zyrtar i lartë kinez u takua me të në Karakas.

Kina ka investuar miliarda dollarë në Venezuelë duke përfshirë infrastrukturën e naftës dhe kreditë shtetërore.

Ndërhyrja mund ta prishë këtë ndikim dhe të përforcojë vizionin e sferave ushtarake të ndikimit me ShBA-ës që dominojnë Amerikën dhe Kinën në Azi.

Çfarë rreziqesh paraqet Doktrina Donro (Donroe) për rendin ndërkombëtar?

Doktrina përforcon një botëkuptim të bazuar në forcë dhe jo në rregulla.

Z. Stefn Millër (Stephen Miller), një këshilltar i Presidentit Tramp (Trump), tha në entin mediatik “CNN” se:

1- “Ne jetojmë në një botë… që qeveriset nga pushteti. Këto janë ligjet e hekurta të botës që nga fillimi i kohës”.

Për shumë analistë, Doktrina Donro (Donroe) sinjalizon një kthim në logjikën e Luftës së Ftohtë; blloqe gjeopolitike, kontroll ushtarak i zonave strategjike dhe një rend shumëpolar ku fuqia ushtarake imponon rregulla mbi institucionet shumëpalëshe si OKB-ja.

A mund të zgjerohet Doktrina Donro (Donroe) në vende të tjera si Meksika apo Kolumbia?

Vetë Presidenti Tramp (Trump) ka lënë të kuptohet për veprime të mundshme në Kolumbi dhe Meksikë me justifikime për luftimin e trafikut të drogës.

Megjithatë, ekspertë si Elln MekFersoun (Alan McPherson) e përshkruajnë këtë si mburrje.

“Ai mund t'i bëjë këto kërcënime... por ne sigurisht nuk duam të jemi në një situatë ku përmbysim qeveritë dhe pastaj duhet t'i drejtojmë ato”, tha ai në një intervistë me entin mediatik “BBC”.

Analistët paralajmërojnë se kostot njerëzore, ushtarake dhe ekonomike të zgjerimit të kësaj doktrine në të gjithë rajonin do të ishin të jashtëzakonshme për taksapaguesit amerikanë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit