ZËDHËNËSI I KREMLINIT DMITRI (DMITRY) PESKOV: LUFTA ME IRANIN DO TË RRISË KËRKESËN PËR ENERGJINË TONË.

Moskë, Federata Ruse | “Kërkesa për burime energjetike ruse është rritur ndjeshëm për shkak të përkeqësimit të situatës në Lindjen e Mesme, veçanërisht vështirësive në kalimin e Ngushticës së Hormuzit”.

Kështu u tha gazetarëve zëdhënësi i Kremlinit, Dmitri (Dmitry) Peskov.

“Po shohim një rritje të konsiderueshme të kërkesës për burime energjetike ruse, për energji, në lidhje me luftën në Iran”, tha zëdhënësi Peskov.

“Rusia është në gjendje të sigurojë vazhdimësinë e të gjitha furnizimeve sipas kontratave dhe vazhdon të furnizojë, veçanërisht në Pekin dhe Nju Delhi.

Ne e dimë se si India ashtu edhe Kina janë vende të udhëhequra nga interesat e tyre kombëtare, dhe kështu jemi edhe ne.

Dhe ne vazhdojmë bashkëveprimin tonë, duke përfshirë sektorin e energjisë dhe tregtinë e burimeve energjetike, si me Indinë ashtu edhe me Kinën”, tha zëdhënësi Peskov.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit