ZV/PRESIDENTI I KËSHILLIT TË MINISTRAVE TË ITALISË ANTONIO TAJANI NË EMISIONIN ÇINKUE (CINQUE) MINUTI: ZGJEDHJA E SOCIALISTËVE GJERMANË ËSHTË ANTI-EVROPIANE.

Romë, Itali | “Zgjedhja e socialistëve gjermanë është anti-evropiane. Është e kotë që ata të thonë se janë pro-evropianë; kur përpiqen ta ndajnë Evropën, e cila, duhet të jetë e bashkuar në këtë moment, po bëjnë një gabim shumë të rëndë”.

Kështu tha zv/presidenti i Këshillit të Ministrave të Italisë Antonio Tajani në emisionin Çinkue Minuti (Cinque Minuti) në lidhje me zgjedhjen e SPD-së për të përjashtuar Italinë nga partnerët strategjikë të Gjermanisë.

“Italia është një bashkëbiseduese historike e Gjermanisë dhe Merc (Merz) sigurisht që dëshiron të ketë një marrëdhënie të shkëlqyer me Italinë, ne gjithashtu kemi planifikuar një sërë iniciativash si FI dhe CDU-CSU pikërisht për të forcuar lidhjen dhe shpresoj që e majta italiane të distancohet nga kjo marrëzi kolosale”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit