ZONJA E PARË E SHBA-ës MELANIA TRAMP (TRUMP) I DREJTOI LETËR PRESIDENTIT VLADIMIR PUTIN KU I VURI NË DUKJE SE ËSHTË KOHA PËR TË MBROJTUR BREZAT E ARDHSHËM.

Uashington, Amerikë | “Është koha për të mbrojtur fëmijët dhe brezat e ardhshëm në mbarë botën”.

Kjo, shkurt, është përmbajtja e letrës drejtuar Presidentit Vladimir Putin nga Zonja e Parë e ShBA-ës Melania Tramp (Trump).

Një dokument që ka mbetur i klasifikuar deri më tani, por enti mediatik Faks Njuz (Fox News) po i publikon ekskluzivisht tekstin, duke specifikuar se presidenti rus e mori atë nga Presidenti Tramp (Trump) në Enkërixh (Anchorage) dhe zgjodhi ta lexonte me zë të lartë për delegacionet ruse dhe amerikane të mbledhura për takimin historik në Alaskë.

“I dashur President Putin”, fillon letra e Zonjës së Parë.

“Çdo fëmijë ndan të njëjtat ëndrra të heshtura në zemrat e tyre, qoftë të lindura rastësisht në fshatrat rurale të një kombi apo në një qendër madhështore qyteti.

Ëndërrojnë dashurinë, mundësinë dhe sigurinë nga rreziku.

Si prindër, është detyra jonë të ushqejmë shpresën e brezit të ardhshëm.

Si udhëheqës, përgjegjësia për të mbështetur fëmijët tanë shtrihet përtej mirëqenies së disa njerëzve.

Pa dyshim, ne duhet të përpiqemi të pikturojmë një botë të mbushur me dinjitet për të gjithë, në mënyrë që çdo shpirt të mund të zgjohet në paqe dhe që vetë e ardhmja të jetë e mbrojtur në mënyrë të përsosur.

Një koncept i thjeshtë por i thellë, z. Putin, dhe me të cilin jam i sigurt se jeni dakord, është që pasardhësit e çdo brezi të fillojnë jetën e tyre me një pastërti, një pafajësi që ngrihet mbi gjeografinë, qeverinë dhe ideologjinë.

Në botën e sotme, disa fëmijë detyrohen të mbajnë me vete një të qeshur të heshtur, të paprekur nga errësira që i rrethon, një sfidë të heshtur kundër forcave që potencialisht mund të pretendojnë të ardhmen e tyre.

Z. Putin, ju mund ta ringjallni të qeshurën e tyre melodike i vetëm.

Duke mbrojtur pafajësinë e këtyre fëmijëve, ju do të bëni më shumë sesa thjesht t'i shërbeni vetëm Rusisë.

Do t'i shërbeni vetë njerëzimit.

Një ide kaq e guximshme tejkalon të gjitha ndarjet njerëzore, dhe ju, z. Putin, jeni të aftë ta realizoni këtë vizion me një të rënë të lapsit sot.

Koha ka ardhur”, thuhet në përmbajtjen e letrës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit