ZJARRI SHKATËRROI LAGJET E VARFRA NË MANILA DUKE DJEGUR TË PAKTËN 1000 SHTËPI | MBI 2000 FAMILJE NË QIELL TË HAPUR.

Manila, Filipine | Një zjarr shkatërrues, me flakë dhe tym të dendur të zi që ngrihej në qiell, shpërtheu në një lagje të varfër në kryeqytetin e Filipineve, në Manila.

Distrikti i zjarrit të qytetit tha se rreth 1000 shtëpi u dogjën në zjarrin që besohet të ketë filluar në katin e dytë të njërës prej shtëpive.

Për momentin nuk ka raportime për viktima.

Pamjet me dron të shpërndara në internet nga agjencia e qytetit për fatkeqësitë tregojnë shtëpi në fshatin Isla Puting Bato të Manilës të rrafshuara me tokë.

Sipas zjarrfikësve, strukturat strehonin rreth 2000 familje.

Shërbimet e zjarrfikësve dhe emergjencave vendosën 36 kamionë dhe katër motorpompa, ndërsa forcat ajrore të vendit dërguan dy helikopterë për të ndihmuar në shuarjen e zjarrit.

“Ajo zonë është në rrezik zjarri pasi shumica e shtëpive janë me materiale të lehta”, u shpjegua nga zjarrfikësit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit