ZJARR NË NJË RESTORANT NË ÇEKI: 6 TË VDEKUR + 8 TË PLAGOSUR; 6 PREJ TYRE NË GJENDJE TË RËNDË.

Pragë, Çeki | Një zjarr shpërtheu mbrëmjen e djeshme në një restorant në Most, në Republikën Çeke, duke vrarë të paktën 6 veta dhe duke plagosur tetë të tjerë, 6 prej të cilëve janë në gjendje të rëndë, sipas shërbimit të urgjencës.

“Zjarri u përhap shumë shpejt pasi një sobë me gaz u rrëzua”, shkruajnë zjarrfikësit lokalë në rrjetin social virtual Iks (X).

Restoranti ndodhet në një kompleks rezidencial në qytetin Most, rreth 70 kilometra në veriperëndim të kryeqytetit Pragë.

Ministri i Brendshëm Vit Rakusan tha se zjarrfikësit kishin evakuuar rreth 30 njerëz nga vendi i ngjarjes dhe një ndërtesë apartamentesh aty pranë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit