VENEZUELË | PRESIDENTJA E PËRKOHSHME DELSI (DELCY) RODRIGUEZ: AMNISTIA DHE REFORMAT PENALE PËRFUNDUAN.

Karakas, Venezuelë | Presidentja e përkohshme e Venezuelës, Delsi (Delcy) Rodriguez, njoftoi përfundimin e ligjit të amnistisë dhe nisjen e një reforme të sistemit penal, me qëllimin e deklaruar për ta bërë drejtësinë më efikase, të paanshme dhe të arritshme.

Njoftimi, i transmetuar nga televizioni shtetëror, “VTV”, erdhi gjatë krijimit të Komisionit Kombëtar të ngarkuar me koordinimin e një konsultimi publik mbi funksionimin e sistemit të drejtësisë.

Presidentja Rodriguez specifikoi se rastet e përjashtuara nga amnistia mund të shqyrtohen përmes mekanizmave të rinj, duke përfshirë Programin e Bashkëjetesës Demokratike dhe Komisionin për Reformën Penale.

Ministri i Brendshëm Diosdado Kabelo (Cabello) njoftoi gjithashtu masa për të forcuar sistemin e burgjeve dhe sigurinë.

Megjithatë, organizatat e pavarura e kundërshtojnë efektivitetin e amnistisë, duke argumentuar se vetëm një pjesë e lirimeve lidhen drejtpërdrejt me ligjin dhe se ende ka mbi 400 të burgosur politikë, duke rindezur debatin mbi drejtësinë dhe tranzicionin politik në vendin e Amerikës së Jugut.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit