VATIKAN | PAPA LEO XIV-të: NË LIBAN EKZISTON NJË DETYRIM MORAL PËR TË MBROJTUR POPULLSINË CIVILE; BOTA NUK DUHET TA HUMBASË VËMENDJEN PËR UKRAINËN.

Vatikan | “Bashkësia ndërkombëtare nuk duhet ta humbasë vëmendjen nga tragjedia e luftës në Ukrainë.

Gjithashtu, në këto ditë dhimbjeje, frike dhe shprese të pamposhtur, jam më afër se kurrë popullit të dashur libanez.

Parimi i humanitetit, i gdhendur në ndërgjegjen e çdo personi, njihet në të drejtën ndërkombëtare dhe përfshin detyrimin moral për të mbrojtur popullsinë civile nga efektet e tmerrshme të luftës.

U bëj thirrje palëve në konflikt të ndërpresin zjarrin dhe të kërkojnë urgjentisht një zgjidhje paqësore”.

Kështu tha Papa Leo XIV-të në Rexhina Koeli (Regina Caeli) nga Sheshi i Shën Pjetrit.

“Sot, shumë kisha lindore festojnë Pashkët sipas kalendarit Julian. Të gjitha këtyre komuniteteve, u shpreh urimet e mia më të përzemërta për paqe në bashkimin e besimit në Zotin e Ngjallur”.

Kështu tha Papa Leo XIV-të në lutjen e tij Rexhina Koeli (Regina Caeli) me rastin e kremtimit të Pashkëve Ortodokse.

“I shoqëroj me lutje më intensive, ata që vuajnë për shkak të luftës, veçanërisht popullin e dashur ukrainas. Drita e Krishtit u sjelltë ngushëllim zemrave të pikëlluara dhe forcoftë shpresën e tyre për paqe”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit