USHTRIA IZRAELITE I KUMTOI ENTIT MEDIATIK AL JAZEERA NË RAMALLAH MBYLLJEN PËR 45 DITË.

Jeruzalem, Izrael | Ushtria izraelite tha se avionët luftarakë goditën rreth 290 objektiva në Libanin jugor në 24 orët e fundit, duke përfshirë raketahedhës dhe objekte ushtarake të Hezbollahut.

Kështu raporton enti mediatik izraelit  Haaretz.

Ushtria izraelite tha se më shumë se 100 raketa u hodhën nga Libani në orët e para të mëngjesit të sotëm, duke shtuar se shërbimet e zjarrit po punonin për të shuar zjarret e shkaktuara nga predha e rënë.

Ushtria tha se rreth 85 raketa u identifikuan që mbërritën në territorin izraelit nga Libani duke filluar pak pas orës 6 të mëngjesit me orën lokale, ndërsa në një sulm të mëparshëm që filloi pak para orës 5 të mëngjesit, rreth 20 raketa u identifikuan kur mbërritën nga Libani.

Hezbollahu thotë se goditi komplekset industriale ushtarake në Izrael si përgjigje ndaj shpërthimeve të biperave dhe të radiovemarrëseve në ditët e fundit, të cilat lanë dhjetëra të vdekur dhe mijëra të plagosur.

“Në një përgjigje fillestare ndaj shpërthimeve, Hezbollahu bombardoi komplekset industriale ushtarake Rafael në Izraelin verior me dhjetëra raketa”, tha Partia e Zotit në një deklaratë.

Gjatë natës, ushtria izraelite kontrolloi zyrën e Al Jazeera në Ramallah për ta njoftuar atë për mbylljen e saj për 45 ditë.

Hyrja e ushtrisë në zyrat e Bregut Perëndimor u dëshmua drejtpërdrejt nga i njëjti transmetues i Katarit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit