UNICEF: SËMUNDJET E LËKURËS DHE SFIDA TË MËDHA HIGJIENIKE PËR POPULLATËN E GAZËS.

Gazë | Në Rripin e Gazës, fëmijët po përballen me sfida të mëdha higjienike.

Kështu thuhet në një komunikatë për media nga Unicef, e cila që nga fillimi i luftës ka shpërndarë 170 mijë komplete higjienike dhe sapun për popullatën palestineze.

“Pak ujë, pothuajse asnjë sapun apo shampo, fëmijët sëmuren me lëkurë dhe sëmundje të tjera”, tha organizata, sipas së cilës 1.9 milionë njerëz në Rripin e Gazës janë të zhvendosur, duke përjetuar një krizë shkatërruese humanitar.

“Shumica e sistemeve të ujit dhe kanalizimeve janë dëmtuar rëndë, duke ulur kapacitetin e prodhimit të ujit në vetëm 26 për qind”, tha Unicef.

“Kjo situatë ka detyruar shumë familje të varen nga burimet e ujit të pasigurta, duke rritur ndjeshëm rrezikun e sëmundjeve të lidhura me ujin”, tha më tej Unicef.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit