“UNAZA E MADHE”; TIRANË | MOHAMED LOTF DHE MOHAMED ALI MBETËN TË VDEKUR NË AKSIDENT AUTOMOBILISTIK; ROLAND NURI MBETI I PLAGOSUR.
Updated: Jul 23
“Unaza e Madhe”, Tiranë, Shqipëri | Strukturat vendore të Policisë së Shtetit morën dijeni se, si pasojë e një aksidenti automobilistik, mbetën të vdekur:
1- Z. Mohamed Lotf, me moshë 30 vjeç, drejtues i një automjeti agregat (pompë betoni).
2- Z. Mohamed Ali, me moshë 44 vjeç, pasagjer në automjetin agregat.
Gjithashtu, i plagosur mbeti:
1- Z. Roland Nuri, me moshë 28 vjeç, drejtues i një automjeti tip “Audi”.
Ata ishin të punësuar nga shoqëria tregtare “Alba Beton”.
Njoftim | Në vijim të informacionit paraprak të dhënë më herët për aksidentin e ndodhur te rrethrrotullimi i TEG-ut, ju informojmë se janë identifikuar dy personat që udhëtonin në kamionin (pompë betoni) konkretisht shtetasit e huaj:
-M. L., rreth 30 vjeç, drejtuesi i kamionit, i cili humbi jetën në vendngjarje;
-M. A., rreth 44 vjeç, pasagjeri, i cili, pavarësisht ndihmës mjekësore, ka ndërruar jetë në spital.
Ndërkohë, drejtuesi i automjetit tjetër, shtetasi R. N., rreth 28 vjeç, ndodhet në spital, jashtë rrezikut për jetën.
Grupi hetimor vijon punën për dokumentimin e plotë të rrethanave dhe shkakut të aksidentit, thuhet në njoftimin e Policisë së Shtetit.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments