UKRAINË | PRESIDENTI VOLODIMIR ZELENSKI: MOSKA PO PËRGATIT NJË SULM USHTARAK MASIV QË MUND TË NDODHË SONTE.

Kiev, Ukrainë | Presidenti Volodimir Zelenski njoftoi në rrjetin shoqëror virtual Iks (X) se kishte marrë një raport nga Komandanti i Forcave Ajrore Anatoli Krivonozhko (Anatoly Kryvonozhko), sipas të cilit rusët përgatitën një sulm masiv disa ditë më parë dhe ekziston një probabilitet i fortë që sulmi të kryhet sonte.

“Është e rëndësishme që partnerët tanë ta kuptojnë plotësisht se çfarë po ndodh dhe se mbrojtja e jetëve varet drejtpërdrejt nga gatishmëria e tyre, ose mungesa e saj, për të na ndihmuar me raketa mbrojtëse ajrore”, - tha presidenti Volodimir Zelenski.

“Para së gjithash, kjo ka të bëjë me Shtetet e Bashkuara dhe ata partnerë që kanë raketa Patriot dhe mund t'i ofrojnë ato për të mbështetur mbrojtjen tonë.

Secili partner e di se çfarë nevojitet dhe i kupton plotësisht pasojat e vonesës”, - tha ai, duke u bërë thirrje bashkatdhetarëve të tij në të gjitha rajonet e Ukrainës që t'i kushtojnë vëmendje paralajmërimeve për sulme ajrore sot dhe të qëndrojnë të sigurt.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit