TURQI (TÜRKIYE) | PRESIDENTI REXHEP TAIP ERDOGAN PRITI NË TAKIM KRYEMINISTRIN E MAQEDONISË SË VERIUT HRISTIJAN MICKOSKI.

Ankara, Turqi (Türkiye) | Presidenti Rexhep Taip Erdogan priti në takim kryeministrin e Maqedonisë së Veriut Hristijan Mickoski.

Në takim, siç thuhet në një njoftim përkatës nga qeveria e Shkupit, u konfirmua bashkëpunimi tradicionalisht i ngushtë, miqësor dhe strategjik midis dy vendeve.

Në të, sipas të njëjtit njoftim, u shpreh kënaqësi e ndërsjellë për marrëdhëniet e shkëlqyera politike, të cilat bazohen në respektin e ndërsjellë, besimin dhe miqësinë e sinqertë midis dy popujve.

Udhëheqësit e të dy vendeve shqyrtuan mundësitë e thellimit të mëtejshëm të bashkëpunimit ekonomik, rritjes së tregtisë, investimeve të reja, si dhe nxitjes së bashkëpunimit në sektorët e infrastrukturës, energjisë, turizmit, arsimit dhe mbrojtjes.

Sipas njoftimit, kryeministri Mickoski theksoi rëndësinë e Turqisë si një partner i rëndësishëm ekonomik dhe politik, duke vënë në dukje se qeveria e tij mbetet e përkushtuar për krijimin e një klime biznesi të favorshme dhe të parashikueshme për investimet e reja turke dhe krijimin e vendeve të reja të punës.

“Presidenti Erdogan konfirmoi mbështetjen e Turqisë për zhvillimin dhe prosperitetin e vendit tonë, si dhe gatishmërinë për të forcuar më tej marrëdhëniet dypalëshe në të gjitha fushat me interes të ndërsjellë”, tha qeveria e Shkupit.

Kryeministri i Maqedonisë së Veriut ndodhet që nga dje në Stamboll, ku mori pjesë në një forum biznesi kushtuar promovimit të bashkëpunimit ekonomik midis Shkupit dhe Turqisë.

Në fjalën e tij në forum, përmendi se ka një interes në rritje nga bizneset turke për investime dhe i ftoi kompanitë turke të marrin pjesë në historinë e rritjes, të vendit të tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit