TREVIZO: I LINDI DJALË | BABI LYEU TË GJITHË SHTËPINË ME NGJYRË BLU.

Trevizo, Itali | Për të informuar bashkëqytetarët e tyre se janë bërë prindër të një djali, një çift nga Treviso kanë vendosur të lyejnë të gjithë shtëpinë e tyre blu.

Ndodhi në Farra di Sholio (Soligo), në Treviso.

“Zgjedhja - shpjegoi babai – Federiko Luketa (Federico Lucchetta), do të lidhej gjithashtu me nevojën e një artisti për t'i dhënë më shumë ngjyrë jetës së përditshme”.

Babai ka shkruar edhe emrin e të porsalindurit, Ettore, në reliev me germa të mëdha, me një shkrim disa metra të gjatë, në një sipërfaqe vertikale të vendosur posaçërisht në anë të shtëpisë.

Nuk është hera e parë që familja Luketa (Lucchetta) i jep hov krijimtarisë së tyre.

Kur lindi i parëlinduri i tyre, katër vjet më parë, një skulpturë gjigante e një lejleku u vendos jashtë së njëjtës shtëpi.

Një pikturë nga z. Luketa (Lucchetta) mbush gjithashtu murin e dhomës së këshillit të komunës Farra.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit