TIRANË | KRYEMINISTRI EDI RAMA: BELINDA BALLUKU DO TË VAZHDOJË TË JETË DREJTUESE POLITIKE E QARKUT TË FIERIT; NUK KA KRYER KORRUPSION; NUK KA VJEDHUR; JEMI KUNDËR ARRESTIMIT TË SAJ.

Tiranë, Shqipëri | “Belinda Balluku do të vazhdojë të jetë drejtuese politike e qarkut të Fierit”.

Kështu tha Kryeministri i Republikës së Shqipërisë Edi Rama, në mbledhjen e Grupit Parlamentar të subjektit politik pushtetmbajtës Partia Socialiste e Shqipërisë - drejtues i së cilës është ai vetë.

Shumica politike nën drejtimin e tij deklaroi qëndrimin kundër arrestimit të deputetes Balluku; duke pretenduar se akuza penale e ngritur ndaj saj nuk është për korrupsion apo për vjedhje, por vetëm për dyshimin e shkeljes së barazisë në tendera publikë, mbështetur në disa mesazhe të gjetura vite më vonë në telefonin e një ish-zyrtari publik.

Kryeministri Rama kritikoi vendimin për pezullimin e saj nga funksioni, duke e cilësuar atë një masë proceduriale penale absurde.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit