TIRANË | ISH-SIGURIMI I SHTETIT KËRKON SHKRIRJEN E PROKURORISË SË POSAÇME KUNDËR KORRUPSIONIT DHE KRIMIT TË ORGANIZUAR.

Tiranë, Shqipëri | Rudimente të ish-bandës kriminale të njohur si ish-Sigurimi i Shtetit të infiltruar në subjektin politik pushtetkërkues Partia Demokratike e Shqipërisë kërkojnë shkrirjen e Prokurorisë së Posaçme kundër Korrupsionit dhe Krimit të Organizuar (SPAK).

Deputeti i Partisë Demokratike të Shqipërisë Klevis Balliu tha se SPAK-u duhet shkrirë, me pretendimin se po garanton vijueshmërinë e vjedhjeve të qeverisë.

“Kjo është pseudo-drejtësi, pseudo-sistem.

Kjo strukturë duhet të shkrihet!

Kjo strukturë po garanton vazhdueshmërinë e vjedhjes së Edi Ramës. Edhe SPAK-u, po po. Më thoni çfarë kanë konfiskuar nga vjedhja. Ku janë lekët?!

Më thoni një aferë që kanë ndaluar.

Arrestuan Beqajn për sterilizimin, ne vijojmë paguajmë për sterilizimin.

Arrestuan këta për inceneratorët, ne vijojmë paguajmë për inceneratorët.

Këta janë garantët e aferave!

Aferat vazhdojnë prej këtyre”, - tha deputeti Balliu, gjatë një interviste në një ent mediatik vendor.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit