TIRANË | INSPEKTORI I PËRGJITHSHËM I FORCAVE TË ARMATOSURA GJERMANE KARSTEN BROJER (CARSTEN BREUER) U TAKUA ME HOMOLOGUN E TIJ GJENERALIN ARBEN KINGJI.

Tiranë, Shqipëri | Më 14 dhe 15 korrik, inspektori i përgjithshëm i Forcave të Armatosura Gjermane, gjenerali Karsten Brojer (Carsten Breuer), vizitoi homologun e tij shqiptar, gjeneralin Arben Kingji.

Gjenerali Brojer (Breuer), një nga kandidatët për kryetar të Komitetit Ushtarak të NATO-s, riafirmoi gjatë vizitës marrëdhëniet e forta dypalëshe midis dy partnerëve të NATO-s.

Gjeneralët diskutuan rezultatet e samitit të NATO-s në Ankara dhe çështje të tjera të rëndësishme të politikës ushtarake për rajonin.

Gjatë një prezantimi të shkurtër, gjenerali Brojer (Breuer) dhe gjenerali Kingji diskutuan me oficerë të rinj nga Security & Defence Colleges mbi sfidat aktuale të politikës së sigurisë në botë dhe rajon.

Që në mbrëmjen e parë të vizitës, u zhvillua një shkëmbim idesh me ministrin e Mbrojtjes Ermal Nufi dhe ambasadorin gjerman Karl Bergner.

Të dyja palët ranë dakord në një zë për një bashkëpunim të fortë në fushën ushtarake.

Gjenerali Brojer (Breuer) theksoi se me Shqipërinë dhe forcat e saj të armatosura, Gjermania ka një partner të besueshëm dhe të rëndësishëm për sigurinë dhe stabilitetin në rajon.

Kjo është demonstruar në të kaluarën përmes bashkëpunimit të shkëlqyer në misione të shumta jashtë vendit.

Gjenerali Karsten Brojer (Carsten Breuer)

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit