SPAK-u MERR ZYRTARISHT TË PANDEHUR KRYETARIN E ARRESTUAR TË BASHKISË SË TIRANËS ERION VELIAJ DHE BASHKËSHORTEN E TIJ AJOLA XOXA.

Tiranë, Shqipëri | Prokuroria e Posaçme Kundër Korupsionit dhe Krimit të Organizuar (SPAK) pritet t’i kumtojë sot akuzat penale:

1- Kryetarit të arrestuar të Bashkisë së Tiranës Erion Veliaj, i cili, ndodhet në paraburgim (i arrestuar më 10.02.2025).

2- Znj. Ajola Xoxa (bashkëshortja e tij), me masë sigurimi vetjake “Detyrim Paraqitje”.

Ndaj z. Veliaj hetimet penale paraprake mbyllen më:

1- 29.09.2025 (prokurorët kanë kërkuar zgjatjen e afateve të tyre).

Oficerë të Byrosë Kombëtare të Hetimit (BKH) i komunikuan akuzat penale z. Erion Veliaj në IEVP Durrës.

Prokuroria e Posaçme (SPAK) i ka ngritur katër (4) akuza penale:

1- Korrupsion (8 herë).

2- Pastrim parash.

3- Fshehje pasurie.

4- Futje e paligjshme e sendeve në burg.

Agjentët e BKH-së qëndruan disa minuta për të për përmbushur aktin procedurial penal në raposrt me z. Veliaj.

Njoftim | Lajm në përditësim, …

Deklaratë | Siç jemi njohur nga mediat e ‘SPAK’, që nesër pritet njoftimi i akuzës dhe përfundimi i hetimit, 163 ditë pas arrestimit të z. Veliaj, i jep për herë të parë mundësinë të shqyrtojë dhe të sfidojë siç duhet akuzat që janë ngritur ndaj tij, të analizojë provat e prokurorisë, të paraqesë prova dhe argumente ligjore në mbrojtje të tij.

Jemi thellësisht të shqetësuar që praktika e nxjerrjes së informacioneve mbi procedurat e çështjes penale të z. Veliaj vijon edhe në rrethanat e një takimi të prezumuar që do të mbahet nesër mes avokatëve të tij dhe SPAK-ut.

Njoftimi i medias apo marrja e informacionit nga ana e medias përpara se vetë personit nën hetim, z. Veliaj, është një provë tjetër e faktit që kjo është një taktikë joligjore e prokurorisë për të sugjeruar në publik fajësinë e z. Veliaj.

Zbulimi i përsëritur dhe i paligjshëm i informacioneve që përbëjnë sekret hetimor mbi çështjen e z. Veliaj ka vijuar pa ndërprerje që nga dita e arrestimit të tij, në një përpjekje të qëllimshme për ta paragjykuar.

Mosfillimi i asnjë procedimi penal nga ana e Prokurorisë së Posaçme për kryerjen e veprës penale të parashikuar nga neni 295/a (“Zbulimi i akteve ose dhe të dhënave sekrete”) i Kodit Penal tregon qartë bashkëpunimin e këtij organi në realizimin e kësaj vepre penale.

Siç jemi njohur nga mediat e ‘SPAK’, që nesër pritet njoftimi i akuzës dhe përfundimi i hetimit nga SPAK, 163 ditë pas arrestimit të z. Veliaj, i jep për herë të parë mundësinë të shqyrtojë dhe të sfidojë siç duhet akuzat që janë ngritur ndaj tij, të analizojë provat e prokurorisë, të paraqesë prova dhe argumente ligjore në mbrojtje të tij, u tha në reagimin e avokatëve mbrojtës të kryetarit të arrestuar të Bashkisë së Tiranës Erion Veliaj.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit