SHBA-ës VENDOSËN SANKSIONE NDAJ DY GJYQTARËVE TË GJND-së.

Uashington, Amerikë | Qeveria amerikane njoftoi sanksione ndaj dy gjyqtarëve nga Dhoma e Apelit e Gjykatës Ndërkombëtare Penale, Gocha Lordkipanidze nga Gjeorgjia dhe Erdenebalsuren Damdin nga Mongolia, për shkak të shënjestrimit të paligjshëm të Izraelit.

Sanksionet ndalojnë çdo individ të emëruar të hyjë në ShBA-ës, përfshirë anëtarët e familjes së tyre, dhe bllokojnë çdo pasuri në ShBA-ës.

Në një deklaratë për shtyp, Sekretari i Shtetit i ShBA-ës, Marko (Marco) Rubio, përmendi dispozitat e Urdhrit Ekzekutiv 14203; “Vendosja e Sanksioneve ndaj Gjykatës Ndërkombëtare Penale”.

Urdhri përcaktoi se çdo person ose organizatë jo-amerikane mund të sanksionohet nëse angazhohet drejtpërdrejt në një përpjekje të GjPN-së për të hetuar, arrestuar, ndaluar ose ndjekur penalisht një person të mbrojtur pa pëlqimin e vendit të kombësisë së atij personi.

Sekretari Rubio e përshkroi sjelljen e të dy gjyqtarëve si të përshtatshme me këto dispozita, duke deklaruar se:

1- “Këta individë janë angazhuar drejtpërdrejt në përpjekjet e GjPN-së për të hetuar, arrestuar, ndaluar ose ndjekur penalisht shtetasit izraelitë, pa pëlqimin e Izraelit, duke përfshirë votimin me shumicën në favor të vendimit të GjPN-së kundër apelit të Izraelit më 15 dhjetor”.

Më 15 dhjetor, Gjykata Ndërkombëtare Penale (GjNP) hodhi poshtë kërkesën ligjore të Izraelit drejtuar gjykatës, e cila, kërkonte që Izraeli të lëshohej me një njoftim të ri nga gjykata që të jepte llogari për ngjarjet pas sulmeve të 7 tetorit.

Gjykata e hodhi poshtë këtë ankesë me arsyetimin se një njoftim i mëparshëm në vitin 2021 merrte parasysh ngjarjet e ardhshme.

Si Lordkipanidze ashtu edhe Damdin votuan në favor të refuzimit të kësaj ankese.

Kjo shënon raundin e tretë të sanksioneve të miratuara nga administrata Tramp (Trump) në lidhje me konfliktin Izrael-Gaza.

Në shkurt të vitit 2025, administrata vendosi një sanksion ndaj kryeprokurorit të atëhershëm të GjND-së, Karim Khan.

Në qershor të vitit 2025, sanksionet u zgjeruan më tej në katër gjyqtarë; Solomy Balungi Bossa (Ugandë), Luz Del Carmen Ibanez Carranza (Peru), Reine Adelaide Sophie Alapini Gansou ( Benin) dhe Beti Hohler (Slloveni).

Kohët e fundit, në gusht të vitit 2025, u vendosën sanksione ndaj gjyqtarëve Kimberly Prost (Kanada) dhe Nicolas Guillou (Francë) dhe zëvendësgjyqtarëve Nazhat Shameem Khan (Fixhi) dhe Mame Mandiaye Niang (Senegal).

Kritikat ndaj sanksioneve të reja janë shprehur nga Presidenca e Asamblesë së Shteteve Palë, duke i përshkruar masat si përpjekje të pafavorshme për të penguar Gjykatën dhe personelin e saj në ushtrimin e funksioneve të tyre të pavarura gjyqësore në përputhje të plotë me Statutin e Romës.

Asambleja e Shteteve Palë shërben si organi drejtues i GjPN-së, duke bashkuar delegatë nga shtetet që janë palë në Statutin e Romës.

Sanksionet e mëparshme të vendosura gjithashtu nga ShBA-ës në lidhje me Izraelin kundër GjPN-së janë përshkruar nga Human Rights Watch si vënie të drejtësisë në rrezik.

Përgjigja e administratës Tramp (Trump) ndaj gjykatës u artikulua përsëri nga Sekretari Rubio në raportin e tij të fundit për shtyp mbi sanksionet e së premtes.

Sekretari Rubio deklaroi se:

1- “Shtetet e Bashkuara dhe Izraeli nuk janë palë në Statutin e Romës dhe për këtë arsye e refuzojnë juridiksionin e GjPN-së.

Ne do të vazhdojmë të përgjigjemi me pasoja të rëndësishme dhe të prekshme ndaj ligjit dhe tejkalimit të ndikimit të GjPN-së”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit