SHBA-ës | DEPARTAMENTI I SHTETIT: POHOHET RIKTHIMI I PLOTË I MARRËDHËNIEVE DIPLOMATIKE MIDIS VENEZUELËS DHE SHBA-ës.

Bogotë, Kolumbi | “Shtetet e Bashkuara dhe qeveria e përkohshme e Venezuelës, e kryesuar nga presidentja e përkohshme Delsi (Delcy) Rodriguez, kanë rënë dakord të rivendosin marrëdhëniet diplomatike dhe konsullore”.

Kështu pohoi Departamenti amerikan i Shtetit për entin mediatik kolumbian “NTN24” (Nuestra Tele Noticias 24).

Uashingtoni ka deklaruar se do të mbështesë popullin venezuelian dhe do të bashkëpunojë me autoritetet e përkohshme dhe shoqërinë civile në planin trefazor për stabilizim, rimëkëmbje ekonomike, pajtim politik dhe tranzicionin drejt një qeverie të zgjedhur në mënyrë demokratike.

Autoritetet e Karakasit do të jenë gjithashtu në gjendje të akreditojnë diplomatë në Shtetet e Bashkuara dhe të fillojnë procesin e rivendosjes së një pranie diplomatike.

Njoftimi erdhi pas rinovimit të Konsullatës së Përgjithshme të Venezuelës në Nju Jork, fasada e së cilës u rinovua javët e fundit pas një periudhe të gjatë rrënimi.

Ndërtesa ndodhet pranë Katedrales së Shën Patrikut.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit