SHBA | DEPARTAMENI I LUFTËS: DO TË INTEGROJMË INTELIGJENCËN ARTIFICIALE “PALANTIR” NË FORCAT E ARMATOSURA; SISTEMI “MAVEN” ËSHTË TASHMË NË PËRDORIM KUNDËR IRANIT.

Uashington, Amerikë | Sistemi i inteligjencës artificiale “Maven”, i “Palantir”-it do të bëhet program zyrtar i Pentagonit, sipas një letre drejtuar zyrtarëve të Departamenit të Luftës të ShBA-ës nga Zv/Sekretari i Mbrojtjes Stiv Feinbërg (Steve Feinberg), e datës 9 mars 2026; e zbuluar dhe e botuar nga agjencia kanadeze e lajmeve Rojtërs (Reuters).

Në letrën drejtuar udhëheqësve të Pentagonit dhe komandantëve ushtarakë amerikanë, Zv/Sekretari Feinbërg (Feinberg) shkroi se integrimi i sistemit të inteligjencës “Maven” të “Palantir”-it do t’u ofrojë luftëtarëve mjetet më të përparuara të nevojshme për të zbuluar, penguar dhe dominuar kundërshtarët tanë në të gjitha fushat.

“Maven”-i është një platformë softuerike e komandës dhe kontrollit që analizon të dhënat nga fusha e betejës dhe identifikon objektivat.

Është tashmë sistemi kryesor operativ i inteligjencës artificiale për ushtrinë amerikane, e cila, ka kryer mijëra sulme të synuara kundër Iranit në tre javët e fundit.

Vendimi pritet të hyjë në fuqi deri në fund të vitit aktual fiskal, i cili, përfundon në shtator, sipas letrës.

“Palantir Technologies”, një kontraktor për Pentagonin dhe agjenci të tjera amerikane, është e njëjta kompani që po zhvillon gjithashtu “Titan”-in, një model të inteligjencës artificiale të orientuar plotësisht drejt përdorimit ushtarak.

Emri është një akronim për “Tactical Intelligence Targeting Access Node”; në thelb një stacion tokësor i lëvizshëm i projektuar për të përshpejtuar afatin kohor “sensor-drejt-qitjes” duke integruar të dhënat satelitore dhe sensorët tokësor.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit