SEKRETARI I SHTETIT ARRITI NË IZRAEL | MË PAS SHKON NË RAMALLAH DHE NË JORDANI.

Tel Aviv, Izrael | Sulmi i Hamasit ndaj Izraelit ishte një shembull i një sulmi kundër qytetërimit. Ashtu siç u asgjësua Shteti Islamik, edhe lëvizja palestineze Hamas duhet të shtypet, tha kryeministri i Izraelit, Benjamin Netanjahu, gjatë konferencës për shtyp me Sekretarin e Shtetit të SHBA-së, Entëni Blinken (Antony Blinken), në Tel Aviv. Kryeministri kujtoi familjet e tëra të vrarë para fëmijëve të tyre, njerëzit u dogjën të gjallë dhe festimin e së keqes nga Hamasi në media.

“Do të ketë ditë të vështira, por forca e qytetërimit do të fitojë”, tha kryeministri Netanjahu.

“Është një moment i veçantë, në të cilin duhet të jemi të bashkuar kundër së keqes. Faleminderit Shteteve të Bashkuara për qëndrimin gjithmonë pranë Izraelit”, shtoi ai.

Në fjalimin e tij, kryeministri Netanjahu falënderoi Uashingtonin në luftën e Izraelit kundër barbarisë së Hamasit.

“Vizita e tij – tha ai, duke iu drejtuar sekretarit Blinken – është një shembull tjetër i prekshëm i mbështetjes së qartë të Shteteve të Bashkuara për Izraelin.”

Kreu i diplomacisë amerikane mbërriti në Tel Aviv mëngjesin e sotëm, në kulmin e përshkallëzimit mes lëvizjes palestineze Hamas dhe Izraelit. Ndalesat e ardhshme të sekretarit Blinken janë:

1- Në Ramallah, ku ai do të takohet me presidentin e Autoritetit Kombëtar Palestinez (PA), Mahmud Abbas.

2- Në Aman, për të takuar mbretin e Jordanisë, Abdullah II.

Nga z. Erton Duka.

© Copyright | Agjencia Telegrafike Vox