ROMË | NË SHKOLLËN E MESME XHULIO ÇEZARE (GIULIO CESARE) U DENONCUA SE JANË PËRDHUNUAR 10 VAJZA; LISTA E VIKTIMAVE U SHKRUA NË TUALETET E DJEMVE.

Shkolla e Mesme Xhulio Çezare (Giulio Cesare) në Romë

Romë, Itali | Në shkollën e mesme klasike shtetërore Xhulio Çesazre (Giulio Cesare) në Romë, një listë përdhunimesh u shfaq në murin e tualeteve të djemve.

Lista përfshinte emrat dhe mbiemrat e rreth dhjetë nxënëseve.

Një qarkore nga drejtori dënon me forcë çdo stereotip gjinor ose dhunë, qoftë fizike, verbale, psikologjike apo dixhitale.

“Xhulio Çezare (Giulio Cesare) nuk është e hapur ndaj dhunës; shkolla jonë e mesme nuk dëshiron të jetë një vatër intolerance”, shkroi drejtori.

“Ajo që ndodhi në Shkollën e Mesme Giulio Cesare, me fyerje të rënda seksiste drejtuar disa nxënëseve femra, është një çështje serioze që duhet të hetohet dhe të ndëshkohet rëndë.

Me rregulloret e reja, shkolla ka të gjitha elementët e nevojshëm për të vazhduar”, komentoi Ministri i Arsimit Xhuzepe (Giuseppe) Valditara.

“Ne gjithashtu do të vlerësojmë se si po përparojnë kurset mbi respektin për gratë dhe marrëdhëniet brenda shkollës së mesme.

Këto kurse, të detyrueshme për herë të parë nga Udhëzimet e reja mbi Edukimin Qytetar, kanë dhënë rezultate të rëndësishme në shumicën e shkollave të mesme italiane vitin e kaluar.

Respekti është një vlerë themelore. Nuk ka vend për dhunë dhe diskriminim në shkollat ​​italiane”, tha Ministri Valditara.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit