REPUBLIKA POPULLORE E KINËS | 13 TË SHKARKUAR NË KUADËR TË FUSHATËS KUNDËR KORRUPSIONIT.

Pekin, Republika Popullore e Kinës | “Komiteti i Përhershëm i Kongresit Kombëtar Popullor ka shkarkuar 13 anëtarë të parlamentit, përfshirë gjashtë zyrtarë të lartë nga Ushtria Çlirimtare Popullore, duke sinjalizuar se fushata ushtarake kundër korrupsionit e presidentit Shi Xhinping (Xi Jinping) nuk tregon shenja ngadalësimi”.

Kështu raportoi enti mediatik “South China Morning Post”.

Të shkarkuarit përfshijnë:

1- Gjeneralin Xu Xueqiang, të Departamentit të Zhvillimit të Pajisjeve të Komisionit Qendror Ushtarak.

2- Gjeneralin Li Fengbiao, Komisar Politik i Komandës Perëndimore të Teatrit.

3- Gjeneralin Guo Pushiao (Puxiao), Komisar Politik i Forcave Ajrore.

4- Gjeneralin Lejtnant Uang (Wang) Kangping, i Komandës Lindore të Teatrit.

5- Gjeneralin Lejtnant Jin Hongshing (Yin Hongxing), Komisar Politik i Komandës Ushtarake të Tibetit.

6- Gjeneralin Lejtnant Zhang Minghua, i Forcës së Hapësirës Kibernetike.

Fushata antikorrupsion e ushtrisë ka larguar tashmë dhjetëra komandantë të lartë, përfshirë anëtarë të Byrosë Politike.

Nga shtatë anëtarët e Komisionit Qendror Ushtarak të emëruar në Kongresin e Partisë të vitit 2022, vetëm dy mbeten në detyrë: presidenti Shi (Xi) dhe shefi i ushtrisë kundër korrupsionit, Zhang Shengmin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit