REPUBLIKA FEDERALE E GJERMANISË | PRESIDENTI I KONFERENCËS SË PESHKOPËVE GJERMANË IMZOT HAJNER VILMER (HEINER WILMER): NUK KA VEND NË KISHË PËR IDEOLOGJINË E AfD-së.

Berlin, Republika Federale e Gjermanisë | “Zgjedhjet në Saksoni-Anhalt kanë treguar, pa dyshim, se si një parti radikale u legjitimua në mënyrë demokratike nga vullneti i votuesve dhe fitoi shumicën.

Në fillim mbeta pa fjalë kur u përballa me këtë rezultat zgjedhor.

Por unë jam i vendosur të vazhdoj punën time. Është demonstruar se partia AfD është etno-nacionaliste.

Nuk ka vend për këtë ideologji të bazuar në nacionalizmin etnik, as brenda dhe as jashtë shtëpisë së Zotit, as në Krishterim, as në Judaizëm, as në Islam”.

Kështu tha Imzot Hajner Vilmer (Heiner Wilmer), president i Konferencës së Peshkopëve Gjermanë, duke folur në pritjen vjetore të Kishës Katolike në Berlin.

“Shpresoj me zjarr që e vërteta të na çlirojë edhe në këtë rast, duke deshifruar slogane të paqarta dhe duke çmontuar premtimet zgjedhore që janë plotësisht të zhveshura nga çdo bazë realiste.

Si Kishë, ne nuk tërhiqemi.

Përkundrazi, ne kundërshtojmë kur frika vihet kundër solidaritetit.

Ne kundërshtojmë kur njerëzit vihen kundër njëri-tjetrit. Ne kundërshtojmë kur institucionet demokratike dobësohen”, - tha ai më tej në fjalën e tij.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit