PROKURORJA E PARISIT LOR BEKU (LAURE BECCUAU): PESË ARRESTIME TË REJA NË LIDHJE ME VJEDHJEN E LUVRIT; XHEVAHIRET ME VLERË 88 MILIONË € NUK JANË GJETUR ENDE.

Paris, Francë | “Pesë arrestime të reja janë kryer (përfshirë një nga të dyshuarit kryesorë) në hetimin për vjedhjen në Muzeun e Luvrit 11 ditë më parë”, njoftoi prokurorja e Parisit Lor Beku (Laure Beccuau) për entin mediatik “Rtl”.

Prokurorja e Parisit Lor Beku (Laure Beccuau)

“Njëri prej tyre ishte në fakt një nga objektivat e hetuesve; ne e kishim në shënjestër - tha prokurorja - duke shtuar se bizhuteritë, të vlerësuara me vlerë 88 milionë euro, nuk janë gjetur ende”.

Prokurorja Beku (Beccuau) saktësoi se pesë arrestimet e reja u kryen në Paris dhe në Seine-Saint-Denis, e njëjta periferi ku dy subjektet (meshkuj) e arrestuar fundjavën e kaluar dhe që hetoheshin zyrtarisht që nga mbrëmja e djeshme jetonin.

Prokurorja Beku (Beccuau) ishte e kujdesshëme në lidhje me rolin e pesë të arrestuarve këtë mëngjes, por vuri në dukje se njëri prej tyre ishte një nga objektivat e hetuesve, pasi ne kemi gjurmë ADN-je tek ai, të cilat, sipas hetimit, e lidhin atë me vjedhjen.

Sipas entit mediatik “Le Parisien”, ky duket të jetë një nga dy burrat që po drejtonin skuterët e fuqishëm gjatë vjedhjes.

Sipas të njëjtit informacion, burri për të cilin flet prokurorja ishte identifikuar, por ende nuk ishte gjetur nga hetuesit, të cilët e kishin vënë nën mbikëqyrje.

Ishte gjatë ndjekjes së këtij të dyshuari që u arrestuan katër personat e tjerë.

Sipas prokurores, ata mund të na japin informacion mbi rrjedhën e ngjarjeve.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit