PRESIDENTJA E BANKËS QENDRORE EVROPIANE KRISTIN (CHRISTINE) LAGARDE: NORMAT AFATGJATA TË INTERESIT DO TË NGADALËSOJNË RRITJEN EKONOMIKE.

Frankfurt, Republika Federale e Gjermanisë | “Që nga takimi ynë i fundit, normat e interesit afatgjata janë rritur ndjeshëm dhe kjo do ta ngadalësojë rritjen më shumë sesa pritej në parashikimet e shtatorit”.

Kështu tha presidentja e Bankës Qendrore Evropiane Kristin (Christine) Lagarde, në fjalimin e saj para Komitetit të Çështjeve Ekonomike dhe Monetare të Parlamentit Evropian.

Presidentja Lagarde tha se rritja deri më tani ka rezultuar elastike, por rritja e normave të interesit afatgjata në tregje do të ketë një efekt më të madh frenues sesa vlerëson BQE-ja.

Një rishikim i mprehtë i perspektivave të kompanive të lidhura me inteligjencën artificiale dhe qëndrueshmëria e borxhit të tyre mund të shkaktojë korrigjime të tregut dhe të ketë pasoja për investitorët e zonës së euros dhe ekonominë në përgjithësi.

Presidentja Lagarde vuri në dukje se vlerësimet globale të aksioneve janë të përqendruara në një numër relativisht të vogël të kompanive të lidhura me inteligjencën artificiale, të cilat gjithashtu po e rrisin me shpejtësi përdorimin e tyre të financimit të borxhit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit