PRESIDENTI VOLODIMIR ZELENSKI: RUSIA PO I SHPALL LUFTË POPULLIT TONË PËR TË NA SHKATËRRUAR; SULMET NDAJ ENERGJISË JANË TË PAJUSTIFIKUARA; BOTA DUHET TË PËRGJIGJET.

Keiv, Ukrainë | “Nuk ka absolutisht asnjë justifikim ushtarak për sulmet ndaj sektorit të energjisë dhe infrastrukturës që i lënë njerëzit pa energji elektrike dhe ngrohje gjatë dimrit.

Kjo është lufta e Rusisë konkretisht kundër popullit tonë, kundër jetës; një përpjekje për të copëtuar Ukrainën”.

Kështu shkroi Presidenti Volodimir Zelenski në rrjetin social virtual Iks (X) - pas sulmit rus në rajonet Dnipro dhe Zaporizhzhia.

“Është e rëndësishme, që partnerët tanë në të gjithë botën t'i përgjigjen këtij torturimi të qëllimshëm të popullit tonë nga Rusia.

Kjo është arsyeja pse mbështetja për qëndrueshmërinë tonë dhe të gjitha format e ndihmës për shtetin tonë duhet të funksionojnë me kapacitet të plotë.

Diskutimet diplomatike nuk mund të jenë pretekst për ngadalësimin e furnizimit me sisteme dhe pajisje të mbrojtjes ajrore që ndihmojnë në mbrojtjen e jetëve njerëzore.

Ne po punojmë me partnerët tanë për të siguruar një përgjigje adekuate”, tha Presidenti Zelenski.

Presidenti Zelenski tha gjithashtu se furnizimet me energji elektrike janë rikthyer në rajonin e Zaporizhzhia-s, ndërsa puna po vazhdon në rajonin e Dnipro-s.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit