PRESIDENTI VLADIMIR PUTIN: MARRËDHËNIET HISTORIKE ME EVROPËN KANË KAPUR FUNDIN; RUSIA KA QENË DHE MBETET E PËRKUSHTUAR PËR PËRMIRËSIMIN E MARRËDHËNIEVE.

Moskë, Federata Ruse | “Marrëdhëniet e Rusisë me vendet evropiane, përfshirë Italinë, kanë rrënjë historike, por aktualisht lënë shumë për të dëshiruar”.

Kështu tha Presidenti Vladimir Putin sot, ndërsa priti ambasadorët nga disa vende evropiane në Kremlin - për dorëzimin e letrave kredencialeve të tyre.

“Marrëdhëniet tona me secilin prej vendeve evropiane të përfaqësuara këtu - Franca, Republika Çeke, Portugalia, Norvegjia, Suedia, Austria, Zvicra dhe Italia - kanë rrënjë të thella historike dhe janë të pasura me shembuj të bashkëpunimit të dobishëm reciprokisht”, tha Presidenti Putin, siç citohet nga agjencia ruse e lajmeve “Interfax”.

“Por sot, dialogu dhe kontaktet, pa asnjë faj tonin, janë reduktuar në minimum dhe ndërveprimi mbi çështjet kyçe ndërkombëtare dhe rajonale është ngrirë.

Rusia, ka qenë dhe mbetet e përkushtuar për përmirësimin e marrëdhënieve me këto vende dhe është e gatshme të rivendosë nivelin e marrëdhënieve që na nevojiten”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit