PRESIDENTI SERXHO MATARELA (SERGIO MATTARELLA): LUFTA ËSHTË RIKTHYER PËR TË DERDHUR GJAK; MADJE EDHE PRANË NESH; KJO ËSHTË NJË KOHË KUR NEVOJITEN BESIMI DHE SHPRESA; DUHET TË SHEMBIN MURET E FRIKËS.

Romë, Itali | “Lufta është rikthyer për të derdhur gjak në botë, madje edhe jo shumë larg nesh”.

Kështu tha Presidenti i Republikës së Italisë, Serxho Matarela (Sergio Mattarella) - duke folur në Pallatin Kuirinale (Quirinale) gjatë ceremonisë së dhënies së Urdhrit të Republikës, i dhënë “Motu Proprio” nga Kreu i Shtetit qytetarëve që janë dalluar për akte heroizmi dhe angazhimi qytetar.

“Sot, dy mënyra të kundërta të të menduarit po përplasen në botë; ajo e atyre që janë të interesuar vetëm për interesat e tyre dhe ajo e atyre që duan të ndajnë mundësitë. Ne nuk duhet të dorëzohemi; përkundrazi, duhet të kemi besim”, tha Presidenti Matarela.

“Historitë tuaja përcjellin besim dhe shpresë në një kohë kur kemi nevojë për besim dhe shpresë; vendi ynë është i pasur me solidaritet.

Zgjedhja për të mos injoruar nevojat e të tjerëve na bën më të fortë, përfshirë institucionet tona.

Sidomos në kohën tonë, është e nevojshme të shembim muret e frikës dhe indiferencës, tundimin e izolimit”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit