PRESIDENTI REXHEP TAIP ERDOGAN: SATIRA NDAJ MUHAMEDIT E PAPRANUESHME DHE AMORALE; DO TA NDJEKIM NGA AFËR GJYQIN KUNDËR REVISTËS “LEMAN”; GJYQËSORI KA SEKUESTRUAR NUMRAT E REVISTËS NGA KIOSKAT.

Ankara, Turqi | “Mungesa e respektit ndaj profetit tonë nga disa njerëz, pa asnjë moral, është e papranueshme”.

Presidenti turk, Rexhep Taip Erdogan (Recep Tayyip Erdogan), e tha këtë duke komentuar rastin e revistës satirike “Leman”, e cila, ka përfunduar në qendër të një hetimi, me akuzën për fyerje të vlerave fetare, për një karikaturë që përshkruante Muhamedin, ndërsa karikaturisti dhe kryeredaktori janë arrestuar.

“Provokim i hapur dhe i ndyrë, nën maskën e humorit”, tha Presidenti Erdogan, duke njoftuar se gjyqësori kishte sekuestruar numrat e revistës nga kioskat dhe se çështja do të ndiqej nga afër.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit