PRESIDENTI EMANUEL MAKRON PATI TELEFONATË ME KRYEMINISTREN ITALIANE XHORXHA (GIORGIA) MELONI DHE KRYEMINISTRIN GREK QIRJAKOS MICOTAQIS (KYRIAKOS MITSOTAKIS).

Paris, Francë | “Në frymën e solidaritetit evropian, Presidenti i Republikës mori iniciativën këtë mëngjes për të telefonuar Kryeministren italiane, Xhorxha (Giorgia) Meloni, dhe Kryeministrin grek, Qirjakos Micotaqis (Kyriakos Mitsotakis)”.

Kështu raportuan burime në Pallatin Elize (Elysée).

“Ata ranë dakord të koordinojnë vendosjen e aseteve ushtarake në Qipro dhe Mesdheun Lindor dhe të punojnë së bashku për të garantuar lirinë e lundrimit në Detin e Kuq”, u tha nga burimet.

“Kryeministrja Xhorxha (Giorgia) Meloni pati një bisedë telefonike me Presidentin francez Emanuel Makron”.

Kështu u tha në një deklaratë nga Pallati Kixhi (Palazzo Chigi).

“Të dy udhëheqësit diskutuan implikimet e konfliktit në Iran si për kontekstin rajonal të Lindjes së Mesme ashtu edhe globalisht, duke u përqendruar në veçanti në ndikimin e armiqësive në lirinë e lundrimit.

Meloni dhe Makron gjithashtu riafirmuan angazhimin e tyre të përbashkët për të mbështetur vendet e Gjirit të prekura nga sulmet e pajustifikueshme iraniane, sigurinë e Qipros dhe për të shmangur një përshkallëzim ushtarak në Liban.

Ata gjithashtu ranë dakord të qëndrojnë në kontakt të ngushtë në lidhje me evolucionin e krizës”, u tha atje më tej.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit