PRESIDENTI DANLLD TRAMP (DONALD TRUMP): PRESIDENTI I KAZAKISTANIT KASIM (KASSYM)-JOMART TOKAJEV (TOKAYEV) RA DAKORD QË KAZAKISTANI TË BASHKOHET ME “MARRËVESHJET E ABRAHAMIT”.

Presidenti i Kazakistanit Kasim (Kassym)-Jomart Tokajev (Tokayev).

Uashington, Amerikë | Presidenti Danlld Tramp (Donald Trump) njoftoi se Kazakistani, presidentin e të cilit e priti në mbrëmje, është vendi i parë në mandatin e tij të dytë që i bashkohet “Marrëveshjeve të Abrahamit” midis Izraelit dhe disa vendeve me shumicë myslimane.

Republika e Azisë Qendrore ka pasur marrëdhënie diplomatike me Izraelin për dekada të tëra, ndryshe nga katër shtetet arabe që normalizuan marrëdhëniet me Tel Avivin sipas marrëveshjeve origjinale të nënshkruara gjatë mandatit të parë të Presidentit Tramp (Trump).

“Sapo pata një telefonatë të mrekullueshme midis kryeministrit izraelit Benjamin Netanjahu dhe presidentit të Kazakistanit Kasim (Kassym)-Jomart Tokajev (Tokayev).

Kazakistani është vendi i parë në mandatin tim të dytë që i bashkohet Marrëveshjeve të Abrahamit, të parat nga shumë të tjera.

Ky përfaqëson një hap të rëndësishëm në ndërtimin e urave në të gjithë botën”, shkroi presidenti amerikan në “Truth”. “Sot”, shtoi Presidenti Tramp (Trump).

“Gjithnjë e më shumë kombe po përgatiten të përqafojnë paqen dhe prosperitetin përmes Marrëveshjeve të mia të Abrahamit.

Së shpejti do të shpallim një ceremoni nënshkrimi për ta bërë atë zyrtare, dhe ka shumë vende të tjera që kërkojnë të bashkohen me këtë klub force.

Do të ketë shumë më tepër në procesin e bashkimit të vendeve për stabilitet dhe rritje - përparim të vërtetë, rezultate të vërteta. Të bekuar janë paqebërësit”, shkroi Presidenti Tramp (Tramp).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit