PRESIDENTI DANLLD TRAMP (DONALD TRUMP) KËRCËNOI TË RRISTE TARIFAT KUNDËR PEKINIT | NË PIKËPYETJE TAKIMI PRESIDENCIAL AMERIKANO-KINEZ; WALL STREET RA; TREGJET EVROPIANE RANË.

Uashington, Amerikë | Indeksi i Uoll Stritit (Wall Street) ra ndjeshëm, ndërsa frika e një lufte tregtare midis Shteteve të Bashkuara dhe Kinës u rigjallërua pasi Presidenti i ShBA-ës, Danlld Tramp (Donald Trump), kërcënoi të rriste tarifat kundër Pekinit.

Indeksi Dow Jones humbi 1.90% në 45,479.60 pikë.

Nasdaq ra 3.56% në 22,204.43 pikë.

S&P 500 ra 2.71% në 6,552.50 pikë.

Makthi i një lufte tregtare të ripërtërirë dhe edhe më të dhunshme midis Shteteve të Bashkuara dhe Kinës po kthehet në të gjithë botën.

Kjo luftë ndikon edhe në Evropë, jo vetëm komercialisht, por edhe financiarisht, me tregjet evropiane të aksioneve që mbyllen me rënie dhe çmimet e automobilave që bien ndjeshëm.

Mollë sherri këtë herë është goditja e Pekinit ndaj eksporteve të mineraleve të rralla.

Ky është një veprim shumë armiqësor për Presidentin Danlld Tramp (Donald Trump), i cili, ka kërcënuar me hakmarrje të ashpër dhe anulimin e takimit të tij të pritur me Presidentin kinez Shi Xhinping (Xi Jinping) në Korenë e Jugut pas dy javësh.

“Po shqyrtoj një rritje masive të tarifave për produktet kineze që hyjnë në Shtetet e Bashkuara”, paralajmëroi presidenti amerikan në rrjetin social virtual “Truth”.

“Kjo ishte një surprizë e plotë, jo vetëm për mua, por për të gjithë udhëheqësit e botës së lirë”, shtoi ai, duke iu referuar një serie letrash të dërguara nga Kina në vende të ndryshme të botës që kërcënonin me kontrolle të shtuara mbi aksesin në mineralet e rralla të tokës dhe eksportet e mineraleve që gjenden atje.

Më herët këtë vit, Pekini futi kufizime që kufizonin furnizimet thelbësore për prodhuesit amerikanë të automjeteve dhe kontraktorët e mbrojtjes.

Këtë javë, qeveria kineze shtrëngoi ndjeshëm kontrollet e eksportit, duke deklaruar, ndër të tjera, se çdo prodhues i përparuar i çipave kudo në botë duhet të marrë një licencë për të përdorur minerale kineze.

Kina dominon zinxhirin global të furnizimit për shumë nga këto minerale, dhe masat kanë shkaktuar ankth midis kompanive amerikane dhe evropiane.

Të enjten, Brukseli shprehu shqetësim në lidhje me veprimin e Pekinit.

“Komisioni Evropian pret që Kina të veprojë si një partner i besueshëm dhe të sigurojë akses të qëndrueshëm dhe të parashikueshëm në lëndët e para kritike”, tha Zëdhënësi i Tregtisë Olof Gill.

Gjatë samitit BE-Kinë në korrik, kujtoi zyrtari, palët ranë dakord të forcojnë marrëdhëniet tregtare duke rritur transparencën dhe duke ofruar garanci për kompanitë e BE-së, veçanërisht në sektorët e magnetit dhe metaleve të rralla.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit