PRESIDENTI DANLLD TRAMP (DONALD TRUMP): DËRGIMI I TRUPAVE TOKËSORE NË IRAN DO TË ISHTE HUMBJE KOHE; REGJIMI IRANIAN KA HUMBUR GJITHÇKA.

Uashington, Amerikë | “Dërgimi i trupave tokësore në Iran do të ishte humbje kohe”.

Kështu tha Presidenti Danlld Tramp (Donald Trump) për entin mediatik “NBC News” - duke e konsideruar këtë opsion të panevojshëm.

“Është një humbje kohe. Ata humbën gjithçka. Ata humbën marinën e tyre. Ata humbën gjithçka që mund të humbnin”, tha Presidenti Tramp (Trump).

I pyetur për të komentuar një deklaratë të Ministrit të Jashtëm iranian Abbas Aragçi (Araghchi), i cili, tha se një operacion tokësor i ShBA-ës do të ishte një katastrofë, presidenti amerikan e hodhi poshtë atë si bisedë boshe.

Ministri Aragçi (Araghchi) i tha gjithashtu entit mediatik “NBC” se zyrtarët iranianë ishin të përgatitur për çdo eventualitet, madje edhe për një zbarkim.

“Ne po i presim; jemi të bindur se mund të merremi me ta dhe se do të ishte një katastrofë për ta”, tha Ministri i Jashtëm iranian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit