PRESIDENTI DANLLD TRAMP (DONALD TRAMP): RENDI NË USHINGTON ËSHTË MË KEQ SE NË BAGDAD DHE NË BOGOTA; GARDA KOMBËTARE DO TË VENDOSET NË RRUGË; NËSE ËSHTË E NEVOJSHME NË RRUGË DO TË NXJERR EDHE USHTRINË.

Uashington, Amerikë | Presidenti amerikan Danlld Tramp (Donald Tramp) ka vendosur Gardën Kombëtare në Uashington dhe kërcënoi të vendosë ushtrinë nëse situata e krimit nuk përmirësohet.

Njoftimi u prit me padurim; ai pretendon se kryeqyteti i ShBA-ës është bërë si metropolet e shkatërruara nga lufta ose nga guerilasit e Bagdadit dhe Bogotës, pavarësisht statistikave të Departamentit të Drejtësisë që sugjerojnë të kundërtën.

“Do ta shpëtoj kryeqytetin e Shteteve të Bashkuara nga krimi dhe mjerimi”, tha presidenti amerikan në një konferencë për shtyp në Shtëpinë e Bardhë, i shoqëruar nga Prokurorja e Përgjithshme Pam Bondi, Drejtori i FBI-së Kash Patel dhe Sekretari i Mbrojtjes Pit Hegsëth (Pete Hegseth), duke njoftuar se Departamenti i Policisë Metropolitane do të jetë nën kontrollin e drejtpërdrejtë të Forcave Federale.

Presidenti Tramp (Trump) ka shpallur gjendje të jashtëzakonshme sigurie dhe ka mobilizuar afërsisht 800 trupa të Gardës Kombëtare në rrugët e Uashingtonit duke filluar nga kjo javë për të rivendosur ligjin dhe rendin.

“Ky numër mund të rritet dhe ushtria do të vendoset gjithashtu nëse është e nevojshme.

Do të ketë shumë agjentë të FBI-së dhe Garda Kombëtare, por nëse është e nevojshme, edhe ushtria do të vendoset”, paralajmëroi komandanti i përgjithshëm ditën që filloi gjyqi në Los Anxhelos për të përcaktuar nëse manjati shkeli ligjin federal duke dërguar Gardën Kombëtare në metropolin e Kalifornisë, për të menaxhuar protestat kundër autoriteteve të imigracionit.

“Ne do të punojmë së bashku me të gjithë policinë e Uashingtonit dhe agjencitë federale të zbatimit të ligjit për të siguruar sigurinë e këtij qyteti”, siguroi Sekretari i Mbrojtjes Hegsëth (Hegseth).

Ndërsa Presidenti Tramp (Trump) bëri njoftimin e tij në sheshin përpara Shtëpisë së Bardhë, rreth 200 njerëz protestuan kundër planit kundër krimit, duke argumentuar se ishte thjesht një marifet propagandistik, që nuk do të arrinte të zgjidhte problemet reale të qytetit.

Për më tepër, sipas të dhënave zyrtare, në vitin 2024 dhe muajt e parë të vitit 2025, krimi në kryeqytetin me 700000 banorë arriti nivelin më të ulët në 30 vjet.

Kryetarja e bashkisë Mjuriell Bausër (Muriel Bowser), demokrate, gjithashtu minimizoi emergjencën, duke argumentuar se krahasimi i Uashingtonit me një qytet në luftë është i rremë dhe qesharak - duke kundërshtuar vendosjen e Gardës Kombëtare.

“Ata nuk janë oficerë të zbatimit të ligjit dhe kjo më shqetëson, ... ”, tha ajo, duke pranuar se pati një rritje të krimit në vitin 2023, por që atëherë ka pasur një rënie prej 26% të dhunës.

“Ne do të vazhdojmë të flasim me presidentin, duke punuar me stafin e tij për çështjet që janë me përparësi më të lartë për të, siguroi ajo, duke shtuar se duhet të mbajë një kanal të hapur komunikimi me komandantin e përgjithshëm”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit