___.png)
PIKA E KALIMIT KUFITAR MORINË; KUKËS | U ARRESTUAN ELDI GURI DHE ALENDRO KELI NGA BERATI; U PËRPOQËN TË TRAFIKONIN DREJT KOSOVËS NJË VAJZË TË MITUR 14-VJEÇARE TË DENONCUAR SI E ZHDUKUR.
- Agjencia Telegrafike Vox
- Sep 29
- 2 min read
Pika e Kalimit Kufitar Morinë, Kukës, Shqipëri | Strukturat vendore të Policisë së Shtetit arrestuan:
1- Z. Eldi Guri, me moshë 22 vjeç.
2- Z. Aleandro Keli, me moshë 18 vjeç.
Njoftim | Morinë, Kukës.
Tentoi të kalonte në kufi, një shtetase të mitur, me qëllim trafikimin e saj në Kosovë, arrestohet në flagrancë 22-vjeçari.
Arrestohet dhe pasagjeri në automjetin e 22-vjeçarit, për moskallëzim të krimit.
Shërbimet e Policisë Kufitare në Morinë, në vijim të punës për goditjen e paligjshmërive në kufi, bazuar dhe në analizën e riskut, kanë ndaluar në dalje të RSh-së, automjetin me drejtues shtetasin E. G., 22 vjeç, i cili udhëtonte me shtetasin A. K., 18 vjeç, dhe me një shtetase 14 vjeçe.
Nga hetimet dyshohet se shtetasi E. G. po tentonte ta kalonte në kufi, 14-vjeçaren, me qëllim trafikimin e saj në Kosovë.
Në vijim të veprimeve, specialistët për Hetimin e Trafiqeve të Paligjshme arrestuan në flagrancë shtetasit:
E. G., 22 vjeç, banues në Berat, për veprën penale”Trafikimi i të miturve”;
A. K., 18 vjeç, banues në Berat, për veprën penale “Moskallëzimi i krimit”.
Më datë 28.09.2025, në DVP Durrës, kanë kallëzuar familjarët e 14-vjeçares, për largimin e saj nga banesa.
Vijojnë hetimet për rastin.
Materialet procedurale iu referuan Prokurorisë, për veprime të mëtejshme.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments